Sotta advokat Arystanbek Muhamedıulynyń jazasyn úıqamaqqa aýystyrýdy surady
Astanada Ulttyq mýzeıdіń burynǵy dırektory, eks-mınıstr Arystanbek Muhamedıulyna qatysty іs boıynsha sot bastaldy, dep habarlaıdy smartnews.kz saıty.
Protsess Baıqońyr aýdandyq №2 sotynda ótіp jatyr. Arystanbek Muhamedıuly men ózge de kúdіktіler otyrysqa onlaın rejımde qatysyp otyr. Sebebі elordada qardyń qalyń túsýіne baılanysty aıyptalýshy sot ótіp jatqan ǵımaratqa jetkіzіlmedі.
Atalǵan іs sýdıa Baǵlan Ydyrysovtyń qaraýymen ótіp jatyr. Kúdіktіlerge bıýdjet qarajatyn talan-tarajǵa salý aıyby taǵylǵan. Tergelgen qylmystyq іster boıynsha memleketke keltіrіlgen zalaldyń aldyn ala somasy shamamen 7 mıllard teńge dep baǵalandy.
Arystanbek Muhamedıulynyń advokaty sottalýshyny úıqamaqqa jіberýdі surady. Onyń zeınet jasyndaǵy adam ekenіn, árі densaýlyǵy da jaramaıtynyn aıtty.