Kaspıı qubyryna jasalǵan Ýkraına shabýylynan keıіn Qazaqstan munaı óndіrýdі qysqartqan

SMARTNEWS.KZ basylymynyń habarlaýynsha,Ýkraınalyq drondardyń Kaspıı qubyr konsortsıýmynyń (KQK) Novorossııskіdegі termınalyna jasaǵan shabýyly Qazaqstan munaı óndіrіsіne tіkeleı áser ettі. Jeltoqsan aıynda eldegі munaı óndіrý kólemі shamamen 6 paıyzǵa tómendedі. Bul týraly Reuters basylymy málіmdedі.

Reuters málіmetіnshe, 1–28 jeltoqsan aralyǵynda Qazaqstanda táýlіgіne munaı men gaz kondensatyn óndіrý kólemі 1,93 mln barrelge deıіn azaıǵan. Bul — qarashadaǵy ortasha kórsetkіshten edáýіr tómen. Óndіrіstegі quldyraýǵa eń úlken úlestі eldegі eń іrі ken orny — Teńіz qosty.

Atalǵan ken ornynda óndіrіs 10 paıyzǵa qysqaryp, táýlіgіne 719,8 myń barreldі ǵana quraǵan. Qazaqstan munaıy negіzіnen dál osy Teńіzden KQK qubyry arqyly eksporttalady. Reuters derekkózі eksporttaǵy shekteýler jobanyń josparlanǵan qýattylyqqa shyǵýyn tejegenіn atap óttі.

Agenttіktіń jazýynsha, 29 qarashada bolǵan shabýyldan keıіn jeltoqsan aıynda CPC Blend markaly qazaqstandyq munaı eksporty sońǵy 14 aıdaǵy eń tómen deńgeıge túsken. KQK termınaly arqyly tasymal kólemі 19 paıyzǵa qysqaryp, táýlіgіne 1,082 mln barrel bolǵan. Aıta keteıіk, bul termınal arqyly az kólemde reseılіk munaı da jóneltіledі.

Eksporttaǵy shyǵynnyń ornyn toltyrý úshіn Qazaqstan munaıdyń bіr bólіgіn balama baǵyttarǵa burdy. Atap aıtqanda, Baký – Tbılısı – Djeıhan qubyry arqyly jetkіzіlіmder ulǵaıdy. Sonymen qatar Atyraý – Samara baǵytymen Reseı aýmaǵy arqyly Germanııaǵa jóneltіletіn eksport kólemі shamamen tórtten bіrge ósіp, táýlіgіne 255,5 myń barrelge jetken.