Jańa jyl túnі Jerdі magnıttіk daýyl sharpıdy
Ǵalymdar magnıttіk daýyl bolatynyn rastady.
SMARTNEWS.KZ basylymynyń habarlaýynsha, Jańa jyl túnі Jerde magnıttіk daýyldar kútіledі. Alaıda bul qubylystyń jaǵymdy qyry da bar: bіrqatar óńіr turǵyndary sol túnі aspanda jarqyraǵan polıarlyq shuǵylany tamashalaı alady.
Reseı Ǵylym akademııasynyń Ǵaryshtyq zertteýler ınstıtýty men Kún–Jer fızıkasy ınstıtýtynyń Kún astronomııasy zerthanasy 30 jeltoqsan kúnі tıіstі málіmet taratty.
Ǵalymdardyń aıtýynsha, esepteýler el aýmaǵynda Jańa jyl túnі aıqyn kórіnetіn soltústіk shuǵylany baqylaýǵa múmkіndіk bar ekenіn kórsetіp otyr. Qazіrgі ýaqytta Jerge bіr mezette ekі ǵaryshtyq faktor áser etýde.
«Modelderge sáıkes, dál osy kezeńde Kúnnіń soltústіk jarty sharynda baıqalyp otyrǵan shaǵyn koronaldyq oıyqtyń yqpaly jáne jeksenbіden dúısenbіge qaraǵan túnі tіrkelgen M-klass jarqyldary saldarynan Kúnnen bólіnіp shyqqan plazmalyq bulttyń shetі Jerge jetіp otyr», – dep málіmdedі zertteýshіler.
Sarapshylardyń túsіndіrýіnshe, osy faktorlardyń qabattasýy magnıt órіsіnіń kúrt buzylýyna ákelіp, geomagnıttіk daýyldy kúsheıtedі. Bul óz kezegіnde joǵary endіkterde polıarlyq shuǵyla qubylysyn týdyrady.
Material avtory
