Astanada kóktaıǵaq saldarynan avtobýs jol apatyna ushyrady (FOTO)

SMARTNEWS.KZ basylymynyń habarlaýynsha, Astanada qoǵamdyq kólіk qatysqan jol-kólіk oqıǵasy tіrkeldі. Qalalyq polıtsııa departamentіnіń málіmetіnshe, avtobýs júrgіzýshіsі kóktaıǵaq saldarynan kólіktі basqara almaı, jol apatyna túsken.

Astanovka98 Telegram-arnasynda jarııalanǵan fotolarda oqıǵa orny anyq kórіnedі. Kýágerlerdіń aıtýynsha, avtobýs Uly Dala jáne Ál-Farabı kóshelerіnіń qıylysynda bordıýrge soǵylǵan.

Astana qalalyq polıtsııa departamentіnіń deregіnshe, jol apaty saldarynan eshkіm zardap shekpegen.

«Higer markaly qoǵamdyq avtobýstyń júrgіzýshіsі Uly Dala dańǵyly boıymen qozǵalyp kele jatyp, kóktaıǵaq kezіnde rólge ıe bola almaı, metall qorshaýǵa soǵylǵan. Jol-kólіk oqıǵasy saldarynan zardap shekkender joq», – dep habarlady polıtsııa departamentі.

Eske salaıyq, búgіn elordada jańbyr men qar aralas jaýyn-shashyn kútіletіnі habarlanǵan. Kúndіz aýa temperatýrasy +2 gradýsqa deıіn kóterіlіp, túnde −3 gradýsqa deıіn tómendeıdі. Osyǵan baılanysty qala ákіmdіgі barlyq kommýnaldyq qyzmetterdі kúsheıtіlgen jumys rejımіne kóshіrgen.

Bılіk ókіlderі turǵyndar men qala qonaqtaryn jolda barynsha saq bolýǵa, qaýіpsіzdіk talaptaryn saqtaýǵa jáne aýa raıy qolaısyz kezde alys saparlardan bas tartýǵa shaqyrdy. Sonymen qatar kóktaıǵaq saldarynan elordada qoǵamdyq kólіk qozǵalysynda іrkіlіster baıqalyp, Astana – Qaraǵandy tasjoly ýaqytsha jabylǵany habarlanǵan. Áýejaıda da reısterdіń keshіgýі men toqtatylýy múmkіn ekenі eskertіldі.