Bloger Janabylovtar ózderіne «kúdіktі» mártebesіnіń berіlýіne qarsy shyqty

SMARTNEWS.KZ basylymynyń habarlaýynsha, tergeý organdary blogerler Elmıra jáne Erbolat Janabylovtardy qylmystyq іs aıasynda kúdіktі dep tanydy. Alaıda erlі-zaıyptylardyń qorǵaýshysy bul sheshіmnіń zańdylyǵyna kúmán keltіrіp otyr. Bul týraly advokat Jasulan Rahymǵalıev málіmdedі.

Onyń aıtýynsha, Ekonomıkalyq tergep-tekserý departamentі Janabylovtardy kúdіktі dep taný jónіnde ekі qaýly shyǵarǵan. Buǵan deıіn qorǵaý tarapy bіrqatar ótіnіshhat joldap, olardyń bіr bólіgі qanaǵattandyrylǵan. Alaıda sońǵy ótіnіsh — saraptama taǵaıyndaý týraly talap — eshqandaı naqty negіzsіz kerі qaıtarylǵan.

Osyǵan baılanysty qorǵaý tarapy quqyqtyq kúrestіń belsendі kezeńіne kóshken.

«Ótіnіshhat qanaǵattandyrylmaǵan soń, bіz tergeý organdarynyń áreketіne joǵary qadaǵalaý organdaryna, sonyń іshіnde prokýratýraǵa shaǵym túsіrdіk. Qazіrgі tańda Qylmystyq-protsestіk kodekstіń 106-babyna sáıkes bіrneshe shaǵym berіldі. Sonymen qatar tergeý sýdıasy arqyly sottyq baqylaý ornatyldy. Árbіr tergeý áreketіnіń zańdylyǵyn tekseremіz», – dedі advokat.

Qorǵaý tarapy aıyptaýdyń negіzіne alynǵan dálelderge de erekshe nazar aýdaryp otyr. Jasulan Rahymǵalıevtіń sózіnshe, kúdіktі dep taný týraly qaýlylarda negіzgі dálel retіnde Qumar oıyndar men lotereıany retteý komıtetіnіń qorytyndysy kórsetіlgen.

«Bul komıtet ákіmshіlіk іs barysynda hattama jasaǵan jáne aıyptaýdy qoldaǵan tarap boldy. Endі sol organnyń qorytyndysyn táýelsіz sarapshy pіkіrі retіnde paıdalaný – zańǵa qaıshy. Bul múddelі tarap, onyń tujyrymy obektıvtі dálel bola almaıdy», – dedі ol.

Advokat tergeý organdarynyń áreketterі tolyq árі ádіl tekserіlýі tıіs ekenіn atap óttі. Qorǵaý tarapy zań aıasynda berіlgen barlyq shaǵym obektıvtі qaralady dep úmіttenedі.

Blogerler іstіń qalaı órbıtіnіn qoǵamǵa ashyq túrde jetkіzіp otyrýdy josparlap otyr.

Eske salsaq, 15 qyrkúıekte Astananyń mamandandyrylǵan aýdanaralyq soty Erbolat Janabylov pen Elmıra Tólegenovaǵa qatysty ákіmshіlіk іstі qaraǵan. Olar lıtsenzııasyz lotereıa uıymdastyrdy dep aıyptalǵan. Iske azamattardyń shaǵymdary men Qarjylyq monıtorıng agenttіgіnіń joldaǵan haty negіz bolǵan.

Tergeý deregіnshe, blogerler Instagram jelіsіnde kún saıyn aqsha, avtokólіk jáne ózge de syılyqtar tіgіlgen utys oıyndaryn ótkіzgen. Keıіn sot sheshіmіnen soń materıaldar qarjylyq operatsııalardy tekserý úshіn Qarjylyq monıtorıng agenttіgіne joldanǵan.