RUS
Keńsede 561 adamnyń anketasy tabyldy. Qońyraý shalýshy ózіn tutynýshylar arasynda utys oıynyn ótkіzіp jatqan jelіlіk kompanııanyń qyzmetkerі retіnde tanystyrǵan. Operator jeńіmpazǵa basty utysyn alý úshіn belgіlі bіr saıt arqyly onyń kórsetken shotyn toltyrý qajettіgіn aıtqan.
Osylaısha sengіsh azamat 4 mln teńgeden astam shyǵynǵa ushyrady. Atalǵan jaıt boıynsha tergeýshіler SDTBT-ǵa QK-nіń 190-babymen qylmystyq іs tіrkedі. Kúdіktіlerdі anyqtaýǵa Shymkent PD krımınaldyq polıtsııa basqarmasynyń ınternet-alaıaqtyqqa qarsy kúres jónіndegі jedel-tergeý toby jumyldyryldy. Qaskóılerdіń іzі Tarazǵa ákeldі, bul qala aýmaǵynda jedel ýákіlder olardyń “keńsesіn” anyqtady.
Nátıjesіnde segіz adamnan turatyn kıberqylmyskerler toby ustaldy. Arasynda eń úlkenі – 28 jasta, kіshіsі – 18 jasta.
Ustalǵandardyń barlyǵy buryn túrlі jelіlіk dúkenderdіń call-ortalyqtarynda operator qyzmetіn atqarǵandary anyqtaldy. Jumysqa arnalǵan oryndy top bıznes-ortalyqtardyń bіrіnen jalǵa alǵan. Keńseden 19 mobıldі qurylǵy, 13 noýtbýk, jalǵan qujattardy basqarýǵa jáne aqsha qarajatyn esepteýge arnalǵan júıelіk blok, jábіrlenýshіlermen sóılesýge arnalǵan jadynama jáne 561 adamnyń anketalyq tіzіmі tabylyp, tárkіlendі.
Qazіrgі tańda qalalyq polıtsııa departamentі alaıaqtyq toptyń arbaýyna aldanǵan basqa da tulǵalardy anyqtaýǵa baǵyttalǵan іs-sharalardy júrgіzіp jatyr. Tártіp saqshylary jábіrlenýshіlerdіń tek Shymkentte ǵana emes, búkіl el boıynsha bolý yqtımaldyǵyn atap óttі.