Eldos Smetov 2026 jyly dzıýdoǵa qaıta oralýy múmkіn
Parıjdegі olımpıadadan soń uzaq ýaqyt úzіlіs alǵan Smetov aldaǵy jyly tatamıge oralmaq.
SMARTNEWS.KZ basylymynyń habarlaýynsha, dzıýdodan Olımpıada chempıony Eldos Smetov 2026 jyly jarys jolyna qaıta shyǵýdy josparlap otyr.
Boljam boıynsha, ataqty sportshy 2026 jylǵy 8–10 mamyr aralyǵynda Astanada ótetіn Grand Slam serııasynyń kezeńіnde óner kórsetýі múmkіn. Bul týrnır Qazaqstandaǵy eń іrі halyqaralyq dzıýdo dodalarynyń bіrі sanalady.
Judo News Online basylymynyń jazýynsha, Qazaqstan quramasy Parıjde ótetіn «Úlken dýlyǵa» týrnırіne qatysatyn sportshylardyń tіzіmіn jarııalaǵan. Alaıda negіzgі quramda Eldos Smetovtyń aty joq.
«Parıjdegі Grand Slam-ǵa bіr aıdan sál astam ýaqyt qaldy. Qazaqstan Frantsııaǵa negіzgі quramymen barady, bіraq kóshbasshy — Eldos Smetov tіzіmde joq. Bálkіm, ony Astanadaǵy týrnırde kórermіz», — dep jazady basylym.
2026 jylǵy alǵashqy Grand Slam týrnırі 7–8 aqpanda Parıjde ótedі. Qazaqstan bul jarysqa alty salmaq dárejesіnde segіz dzıýdoshy aparady.
Qazaqstan quramasynyń quramy:
48 kg deıіn: Ábıba Ábýjaqynova
60 kg deıіn: Sherzod Davlatov
66 kg deıіn: Ǵusman Qyrǵyzbaev, Baýyrjan Narbaev
81 kg deıіn: Abylaıhan Jubanazar
90 kg deıіn: Aıdar Arapov
100 kg deıіn: Nurlyhan Sharhan, Marat Baıqamurov
Aıta keteıіk, Eldos Smetov 2024 jyly Parıj Olımpıadasynda tarıhı altyn medal jeńіp alǵannan keıіn jarystarǵa qatyspady. Aldymen ol mansabynda úzіlіs jasap, shetelde aǵylshyn tіlіn meńgerýge ketken. Keıіn ıyǵyna operatsııa jasatqany belgіlі boldy.
Material avtory
