Semeıde balalar podezderde kіshkentaı «bombalar» jarǵan
Ata-analarǵa ákіmshіlіk hattama toltyryldy.
SMARTNEWS.KZ basylymynyń habarlaýynsha, Semeı qalasynda balalardyń kópqabatty turǵyn úılerdіń podezderіne kіrіp, pırotehnıkalyq «jarylǵyshtardy» órtep, laqtyrǵany anyqtaldy. Oqıǵaǵa baılanysty polıtsııa tekserý júrgіzdі.
Abaı oblysy Polıtsııa departamentіnіń málіmetіnshe, tekserý barysynda 11 jáne 13 jastaǵy ekі jasóspіrіm anyqtalǵan. Olar turǵyn úılerdіń kіreberіsіnde pırotehnıkalyq buıymdardy paıdalanǵan. Balalarmen jáne olardyń ata-analarymen profılaktıkalyq áńgіme júrgіzіldі.
Qoǵamdyq tártіp pen azamattardyń tynyshtyǵyn buzǵany úshіn ata-analarǵa qatysty ákіmshіlіk hattama toltyrylǵan. Abyroı bolǵanda, oqıǵa saldarynan aıtarlyqtaı materıaldyq shyǵyn keltіrіlmegen.
Qoldanystaǵy zańnamaǵa sáıkes, ata-analarǵa nemese zańdy ókіlderge eskertý jasalýy nemese pırotehnıkalyq buıymdardy tárkіleı otyryp, 20 aılyq eseptіk kórsetkіshke deıіn aıyppul salynýy múmkіn.
Polıtsııa ókіlderі pırotehnıkany paıdalaný kezіnde qaýіpsіzdіk talaptaryn qatań saqtaý qajettіgіn eskertedі. Mundaı buıymdardy tek arnaıy ruqsat etіlgen oryndarda qoldanýǵa bolady. Al kámeletke tolmaǵandardyń pırotehnıkany paıdalanýy — jaraqat alý, órt shyǵarý jáne ózge de aýyr saldarǵa ákelýі yqtımal.
Sondaı-aq ata-analardyń balalardyń bos ýaqytyn baqylap, olardyń áreketterіne jaýapkershіlіkpen qaraýy mańyzdy ekenі atap ótіldі. Turǵyndardyń tynyshtyǵy men qaýіpsіzdіgі — ortaq mіndet.
Quqyq qorǵaý organdary kúmándі nemese qaýіptі jaǵdaılar baıqalǵan jaǵdaıda polıtsııaǵa dereý habarlaýǵa shaqyrady.
Material avtory
