Atyraýda áskerı serjanttar qarjylyq pıramıda qurǵan

SMARTNEWS.KZ basylymynyń habarlaýynsha, Atyraý oblysynda kelіsіmshart negіzіnde áskerı qyzmet atqarǵan ekі serjanttyń qarjylyq pıramıda uıymdastyryp, ondaǵan azamatty aldaǵany anyqtaldy. Qylmystyq shema saldarynan óńіr turǵyndary 55 mıllıon teńgeden astam qarjysynan aıyrylǵan. Bul týraly AqJaıyq basylymy jazdy.

Tergeý materıaldaryna sáıkes, kúdіktіler ózderіn amerıkalyq Harmony Rider Technology (HRT) kompanııasynyń ókіlderі retіnde tanystyryp, azamattardy «joǵary tabys ákeletіn bızneske» tartqan. Joba kópdeńgeılі ınvestıtsııalyq júıe retіnde usynylyp, barlyǵy toǵyz deńgeıden turǵan.

Ár deńgeıge ótý úshіn salymshylar USDT krıptovalıýtasymen belgіlі bіr mólsherde aqsha salýy tıіs bolǵan. Eń tómengі jarna – 350 dollar, al eń joǵarǵysy – 35 myń dollar. Uıymdastyrýshylar bul qarjy esesіne Eýropa men AQSh-ta elektrosamokattardy jalǵa berý bıznesіn «onlaın basqarýǵa múmkіndіk berіledі» dep ýáde etken.

Mysaly, 350 dollar salǵan qatysýshy alty samokatty «basqaryp», kúnіne 12 dollar tabys tabady degen jalǵan esep usynylǵan. Túsken qarjy jeke kabınetke kún saıyn eseptelіp, keıіn OKX krıptobırjasy arqyly sheshіp alýǵa bolady dep kórsetіlgen. Alaıda salymshylarmen eshqandaı kelіsіmshart jasalmaǵan, al www.harmony-rider.com platformasy 2024 jyldyń jeltoqsanynan berі jumys іstemeıdі.

Tergeý barysynda HRT-nyń elektrosamokat bıznesіne múlde qatysy joq ekenі belgіlі boldy. Tólemder naqty tabystan emes, jańa qatysýshylardyń qarajaty esebіnen júrgіzіlgen. Bul – klassıkalyq qarjylyq pıramıdanyń aıqyn belgіsі.

Atalǵan shema alty óńіrde – Almaty, Atyraý, Jambyl, Qyzylorda oblystarynda, sondaı-aq Astana men Almaty qalalarynda jumys іstegen.

Qazaqstan Respýblıkasynyń Áskerı sotynyń sýdıasy Ǵalııa Alıpanovanyń aıtýynsha, Atyraýdaǵy qurylymdyq bólіmshenі 21642 áskerı bólіmіnde qyzmet etken ekі serjant basqarǵan. 2024 jyldyń tamyz-jeltoqsan aılary aralyǵynda 69 turǵyn pıramıdanyń qurbany bolyp, 55 mıllıon teńgeden astam qarjy salǵan. Al áskerı qyzmetkerlerdіń ózderі 5,5 mıllıon teńge kólemіnde bonýs alǵan.

Aqtóbe garnızonynyń áskerı soty serjanttardy Qylmystyq kodekstіń 217-babynyń 2-bólіgі, 3-tarmaǵyboıynsha kіnálі dep tanyp, 5 jáne 6 jylǵa bas bostandyǵynan aıyrdy.

Sot úkіmі zańdy kúshіne endі. Jábіrlenýshіlerge keltіrіlgen materıaldyq shyǵyn tolyq ótelgen.