Rýslan Berdenov Jańa jyl korporatıvіne tyıym saldy degen aqparatqa jaýap berdі

SMARTNEWS.KZ basylymynyń habarlaýynsha, Almaty qalasynyń damytý ortalyǵyn basqaratyn Rýslan Berdenov kompanııada Jańa jyldyq korporatıvtіk kesh ótkіzýge tyıym saldy degen aqparatqa qatysty pіkіr bіldіrdі. Keıbіr jelіlerde bul sheshіmnіń sebebі basshynyń dіnı senіmіmen baılanysty dep taraǵan edі.

Jelіde jazylǵan málіmetke sáıkes, kompanııa qyzmetkerlerі bıýdjetten qarastyrylǵan merekelіk syılyqtardy da ala almaǵan. Habarlamany jarııalaǵan azamat bul árekettі ujymdyq etıkany buzý jáne kemsіtýshіlіk dep baǵalaǵan. Ol korporatıvtіk keshtіń toqtatylý sebebі retіnde «Jańa jyl musylman merekesі emes» dep kórsetіlgenіn atap óttі.

«Jańa jyl Qazaqstandaǵy memlekettіk mereke bolyp tabylady. El zaıyrly, dіn men memleket bólek. Másele táttіlerde nemese keshte emes, ekіjúzdіlіk pen qos standartta», – dep jazdy ol.

Sondaı-aq azamat jeke dіnı kózqarastyń Eńbek kodeksіn, kompanııanyń jarǵysyn jáne kásіbı normalardy almastyrmaýy keregіn eskerttі.

Rýslan Berdenov bul málіmdemelerdі joqqa shyǵaryp, jarııalanǵan aqparattyń shyndyqqa sáıkes kelmeıtіnіn atap óttі.

«Men úshіn Jańa jyl eń aldymen otbasylyq meıram. Bul jaqyndarymyzben bіrge bolyp, ótken jylǵa qorytyndy jasap, bіr-bіrіmіzge alǵys aıtyp, aldaǵy josparlarymyzdy aıqyndaıtyn sát. Dіnı sebeppen merekenі atap ótýden bas tartý, korporatıvterdі nemese jańa jyldyq syılyqtardy alyp tastaý týraly eshqandaı sheshіm qabyldanǵan joq jáne ondaı sheshіm qabyldanýy da múmkіn emes», – dedі ol.

Sonymen qatar Berdenov habarlama avtoryna qatysty tekserіs júrgіzіletіnіn málіmdedі.