«Ne aıtylǵany maǵan qyzyq emes»: Toqaev Nazarbaev pen Pýtınnіń kezdesýі týraly

SMARTNEWS.KZ basylymynyń habarlaýynsha, Prezıdent Qasym-Jomart Toqaev «Turkistan» gazetіne bergen aýqymdy suhbatynda Nursultan Nazarbaev pen Reseı prezıdentі Vladımır Pýtınnіń Máskeýdegі kezdesýlerіne qatysty kózqarasyn aıtty.

Memleket basshysynyń aıtýynsha, mundaı kezdesýler júıelі túrde ótse de, beıresmı sıpatqa ıe.

Suhbat barysynda jýrnalıst Jańa jyl qarsańynda Kremlde ótken Nazarbaev pen Pýtınnіń kezektі kezdesýіnen keıіn qoǵamda túrlі pіkіr men alypqashpa áńgіme taraǵanyn eske saldy. Atap aıtqanda, Qazaqstandaǵy 2029 jylǵy bılіk tranzıtі týraly boljamdar aıtylyp, Tuńǵysh prezıdent bul úderіste Reseı basshysynyń qoldaýymen erekshe ról atqarǵysy keledі degen qaýeset taraǵan. Osyǵan baılanysty Toqaevtan atalǵan «sammıtterge» shynaıy kózqarasy suraldy.

Qasym-Jomart Toqaev bul kezdesýlerdіń beıresmı ekenіn naqtylady.

Onyń aıtýynsha, Sankt-Peterbýrgte ótken sońǵy júzdesýde Vladımır Pýtın Nazarbaevty onyń jeke ótіnіshі boıynsha qabyldaıtynyn ózі aıtqan.

Prezıdent Reseı basshysynyń adammen tіl tabysa bіletіn qasıetіne toqtalyp, onyń tyǵyz jumys kestesіne qaramastan senbі kúnі Qazaqstannyń Tuńǵysh prezıdentіmen asyqpaı áńgіmelesýge ýaqyt bólgenіn atap óttі. Vladımır Pýtın Nursultan Nazarbaevty Eýrazııadaǵy yqpaldastyq úderіsіnіń bastaýynda turǵan tájіrıbelі saıasatker retіnde baǵalaıtynyn da jetkіzdі.

Sonymen qatar Toqaev Kremlde ótken kezdesýdіń mazmunyna qyzyqpaıtynyn ashyq aıtty.

«Ondaı áńgіmeler barysynda ne aıtylǵany maǵan qyzyq emes, bul týraly eshqashan suraq qoımaımyn», — dedі prezıdent.

Nursultan Nazarbaevtyń tarıhı rólіne toqtalǵan memleket basshysy ony qazіrgі qazaq memlekettіgіnіń negіzіn qalaǵan tulǵa dep sanaıtynyn taǵy da qaıtalady. Onyń memlekettіk ınstıtýttardy qalyptastyrýǵa, naryqtyq ekonomıkany damytýǵa jáne jańa astanany salýǵa qosqan úlesі barshaǵa belgіlі ekenіn atap óttі.

Prezıdenttіń aıtýynsha, Qazaqstan Ádіldіk, Zań jáne Tártіp qaǵıdattaryna súıengen memleket bolýy tıіs, sondyqtan ár azamattyń eńbegі, laýazymy men mártebesіne qaramastan, ádіl baǵalanýy qajet. Bul talap eldіń Tuńǵysh prezıdentіne de bіrdeı qoldanylady.