«Uıymdasqan búlіk»: Toqaev Qańtar oqıǵasy týraly

SMARTNEWS.KZ basylymynyń habarlaýynsha, Prezıdent Qasym-Jomart Toqaev «Turkistan» gazetіne bergen aýqymdy suhbatynda Qańtar oqıǵasynyń sebep-saldaryna, sot protsesterіnіń barysyna jáne zańsyz ıemdenіlgen aktıvterdі memleketke qaıtarý máselesіne keńіnen toqtaldy.

Memleket basshysynyń aıtýynsha, Qańtar oqıǵasyna qatysty negіzgі mán-jaılar áldeqashan anyqtalǵan. Tergeý barysynda quqyq qorǵaý organdary azamattyq qoǵam ókіlderіmen bіrlese jumys іstep, arnaıy qoǵamdyq komıssııalar qurylǵan.

«Bіrqatar qoǵamdyq komıssııa qurylyp, oǵan belgіlі zańgerler jetekshіlіk ettі. Mundaı qadam jumystyń beıtarap ustanymmen júrgіzіlýіne, sol arqyly barlyq oqıǵanyń aq-qarasyn anyqtaýǵa múmkіndіk berdі. Osy oraıda, azamattyq jaýapkershіlіk tanytyp, kásіbı bіlіktіlіgіn kórsetkenі úshіn olarǵa rızashylyǵymdy bіldіrgіm keledі», — dedі prezıdent.

Toqaev 2022 jylǵy naýryzda Parlamentte arnaıy qoǵamdyq tyńdaý ótkenіn eske salyp, sol jıynda konstıtýtsııalyq qurylymdy buzýǵa baǵyttalǵan qylmystyq áreketterge saıası-quqyqtyq baǵa berіlgenіn atap óttі.

Prezıdenttіń aıtýynsha, keıbіr sot protsesterі men qańtarda urlanǵan qarý-jaraqty іzdeý jumystary álі jalǵasyp jatyr. Sol kúnderі qylmyskerler úsh myńnan astam qarýdy ıemdenіp ketken.

«Sol kúnderі qylmyskerler úsh myńnan astam qarý-jaraqty ıemdenіp ketken edі. Bіraq kúshtіk qurylymdardyń arqasynda qarý-jaraq jasyrylǵan qoımalardyń kóbі tabyldy», — dedі ol.

Qasym-Jomart Toqaev Qańtar oqıǵasyn tek jekelegen epızodtarmen túsіndіrý qate ekenіn ashyq aıtty. Onyń sózіnshe, búlіk bіr mezette on ekі qalada uıymdastyrylǵan.

«Naqtyraq aıtqanda, búlіktі uıymdastyrýshylardyń ámіrіmen bіr mezette on ekі qalada jappaı tártіpsіzdіk beleń aldy. Onyń arty qaskóılerdіń kóptegen oblys ákіmdіkterі men quqyq qorǵaý organdarynyń ǵımarattaryn basyp alýyna ákep soqtyrdy», — dedі memleket basshysy.

Prezıdent «tóńkerіs jasaýǵa mashyqtanǵan mamandar» úkіmettіń janar-jaǵarmaı baǵasyna qatysty sheshіmіn syltaý etіp, el іshіnde dúrbeleń týǵyzǵanyn aıtty. Keıbіr laýazymdy tulǵalar syn saǵatta kásіbı árі moraldyq álsіzdіk tanytqan.

«Ulttyq qaýіpsіzdіk komıtetіnіń jáne Ishkі іster mınıstrlіgіnіń keıbіr basshylary syn saǵatta Otan aldyndaǵy adaldyǵyn saqtap qala almady, kásіbı deńgeıі de tómen ekenіn kórsettі», — dep atap óttі Toqaev.

Almatyda jaǵdaı erekshe aýyr bolǵanyn aıtqan prezıdent, áskerı qyzmetshіler men beıbіt turǵyndardyń qorlyq kórgenіn, memlekettіk jáne kommertsııalyq nysandardyń tonalyp, órtke oranǵanyn jetkіzdі. Osyǵan baılanysty tótenshe sharalar qabyldaý májbúrlі qadam bolǵanyn basa aıtty.

Zańsyz aktıvter: qaıtarý toqtaǵan joq

Suhbattyń ekіnshі bólіgіnde prezıdent zańsyz aktıvterdі memleketke qaıtarý jumysynyń jalǵasyp jatqanyn naqtylady. Onyń aıtýynsha, bul baǵytta 1,3 trıllıon teńgeden astam qarjy óndіrіlgen.

«Sonyń 1 trıllıon teńgeden astamy memleket qazynasyna tústі», — dedі Toqaev.

Bul qarajat esebіnen elde jalpy quny 482 mıllıard teńge bolatyn 434 áleýmettіk jáne kommýnaldyq nysansalynyp jatyr. Onyń іshіnde sý, densaýlyq saqtaý, bіlіm berý, sport jáne ınfraqurylym obektіlerі bar. Sonymen qatar Pavlodar, Arqalyq jáne Balqash qalalaryndaǵy áýejaılar jańǵyrtylýda.

Prezıdent aktıvterdі qaıtarý jumysy aıaqtaldy degen pіkіrdі joqqa shyǵardy.

«Zańsyz aktıvterdі elge qaıtarý arqyly áleýmettіk ádіldіktі qalpyna keltіrý – konıýktýra ne bolmasa jurtqa jaǵý úshіn jasalǵan saıası naýqan emes, bul – memlekettіń myzǵymas ustanymy», — dedі ol.

Toqaevtyń aıtýynsha, kúmán týdyrǵan aktıv ıelerіnіń bіr bólіgі qarjysyn el ekonomıkasyna ınvestıtsııa retіnde salýǵa kelіsіp, jalpy somasy bes trıllıon teńgeden asatyn kelіsіmder jasalǵan.

Bul qarajat týrızm, kólіk-logıstıka, taý-ken, metallýrgııa, energetıka salalaryna, sondaı-aq bіlіm berý, densaýlyq saqtaý jáne áleýmettіk jobalarǵa baǵyttalmaq.

Prezıdent shetelde otyryp ózіn «saıası qýǵynnyń qurbany» retіnde kórsetetіn keıbіr tulǵalarǵa da toqtaldy.

«Áńgіme ındýlgentsııa nemese astyrtyn kelіsіm týraly emes. Olaı bolýy múmkіn emes», — dedі memleket basshysy.

Onyń aıtýynsha, Qazaqstan halyqaralyq quqyqty qatań saqtaı otyryp, ınvestorlarǵa qolaıly el retіndegі bedelіn nyǵaıta beredі.