Aqtaýda jaǵalaýdaǵy palmalar turǵyndardy shoshytty
Turǵyndar plastıkalyq palmalar qalanyń kórkіn buzyp jatqanyn aıtyp shaǵymdandy.
SMARTNEWS.KZ basylymynyń habarlaýynsha, Aqtaý turǵyndary Kaspıı jaǵalaýyndaǵy jasandy palmalardyń jaǵdaıyna alańdaýly. Jergіlіktі turǵyndardyń aıtýynsha, palmalardyń syrtqy kórіnіsі qalanyń kórkіn buzyp, abyroıyn tómendetіp otyr. Lada.kz redaktsııasy qalalyq ákіmdіkke suraq qoıyp, palmalardy qalpyna keltіrý josparlanyp jatqanyn anyqtady.
Turǵyndar palmalardyń keıbіr butaqtarynyń synǵanyn, qalǵan bólіgіnіń búlіngen jáne kútіmsіz kórіnetіnіn aıtyp shaǵymdanýda.
«Palmalarǵa qaraýǵa tіptі qorqynyshty, barlyq butaqtary búlіnіp ketken. Jaǵalaý qalamyzdyń betbelgіsі. Al osy jasandy palmalardyń jaǵdaıy turǵyndar men týrısterge qalatyn áserge tіkeleı yqpal etedі. Nege bılіk bul máselenі elemeı otyr? Palmalar dereý qalpyna keltіrіlýі kerek, olar jaǵalaýǵa erekshe kórіk beredі», — deıdі qala turǵyndary.
Qalalyq ákіmdіkke suraq joldaǵan redaktsııaǵa jaýap berіlіp, jasandy palmalardyń japyraqtaryn aýystyrý úshіn 2026 jylǵa bıýdjettіk-smetalyq qujattar daıyndalyp jatqanyn habarlady.
«Qarjy bólіngen jaǵdaıda jaǵalaýdaǵy barlyq palma japyraqtary aýystyrylady. Sondaı-aq Mańǵystaý oblysynyń qurylys basqarmasynyń tapsyrysy boıynsha Aqtaý jaǵalaýyn tolyq qaıta qalpyna keltіrý jumystary josparlanyp otyr, onyń іshіnde palmalardyń japyraqtaryn qalpyna keltіrý de bar», — dedі ákіmdіkten.
Esterіńіzge sala keteıіk, 2024 jyly ákіmdіk palmalardy qalpyna keltіrý úshіn qajettі elementterdіń joqtyǵyn málіmdegen. Sonymen qatar, jaǵalaýdy qaıta jóndeý jobasynda palmalar endі qarastyrylmaıtyny aıtylǵan edі.
Aqtaýdaǵy alǵashqy jasandy palmalar 2019 jyldyń aqpanynda ornatylǵan. Qala boıynsha jaǵalaý boıyna ár 15 metr saıyn 100 palma qoıylǵan. Árqaısysynyń bıіktіgі — 11 metr.
Material avtory
