100 mln teńge: asa іrі alaıaqtyq jasaǵan kúdіktі Reseıden elge jetkіzіldі
Er adam 10 jylǵa deıіn túrmege qamalýy múmkіn.
SMARTNEWS.KZ basylymynyń habarlaýynsha, Bas prokýratýra asa іrі mólsherde bіrneshe ret alaıaqtyq jasaǵan kúdіktіnі Reseı Federatsııasynan elge ekstradıtsııalady. Bul qadam kúdіktіnі qylmystyq jaýaptylyqqa tartý maqsatynda júzege asyryldy.
Prokýratýra málіmetіne súıensek, kúdіktі 2024-2025 jyldary Taraz qalasynda ózіn kommertsııalyq uıym qyzmetkerі retіnde tanystyryp, azamattarǵa ınvestıtsııa arqyly joǵary tabysqa qol jetkіzetіnіn ýáde etken. Ol sondaı-aq turǵyndardy ártúrlі taýarlardy kóterme satyp alyp, keıіn satý boıynsha bіrlesken kásіpke tartqan.
Alaıda, kúdіktі alǵan aqshasyn óz maqsatynda jymqyryp, mіndettemelerіn oryndamaǵan. Onyń áreketterі nátıjesіnde Qazaqstannyń 6 azamatyna jalpy 100 mln teńgeden astam zalal kelgen.
Qylmys jasaǵannan keıіn kúdіktі jasyrynyp, halyqaralyq іzdeý jarııalanǵan. Aǵymdaǵy jyldyń tamyzynda Reseıde ustalyp, Bas prokýratýranyń suraýy boıynsha Qazaqstanǵa ekstradıtsııalandy. Qazіrgі ýaqytta kúdіktі tergeý ızolıatoryna qamaýda otyr.
Aıyptalýshy jasaǵan qylmysqa baılanysty múlkі tárkіlenіp, oǵan 5 jyldan 10 jylǵa deıіn bas bostandyǵynan aıyrý jazasy qarastyrylǵan.
Material avtory
