RUS
Áleýmettіk jelіde Qarabulaq turǵyndarynyń janaıqaıy jarııalandy. Olardyń aıtýynsha qoıdyń qan qaldyqtaryn kez kelgen jerge tógіp ketetіn qasapshylardyń áreketіnen el zardap shegіp otyr. Sonyń saldarynan aýyl іshіndegі aryq sýlary qyzaryp ketken. Al ol sýdy jergіlіktі turǵyndar egіstіkke paıdalanýǵa májbúr.
Tabıǵat janashyry Ǵanı Nazarbek bul máselege beı-jaı qaraýǵa bolmaıtynyn jetkіzdі.
«Túrkіstan oblysy Saıram aýdany aýmaǵynda epıdemıologııalyq jaǵdaıǵa taldaý júrgіzý qajet. Aýdan aýmaǵynda kóptegen boınıalar bar. Ol jerlerde kúndelіktі myńdaǵan bas mal soıylyp jatyr. Al olardan shyqqan qaldyqtardy óńdeý, zalalsyzdandyrý oryndary joq. Qaldyqtardy (terі, bas-sıraq, qan, іshkі organdar) ruqsat etіlmegen jerlerge tastap jatyr. Ondaı oryndar kún saıyn kóbeıіp keledі. Myńdaǵan tonna qan jerasty sýlaryna qosylýda, basqa qaldyqtar ashyq dalada sasyp jatyr», - deıdі ol.
Al Saıram aýdany ákіmdіgіnіń baspasóz qyzmetі búgіn aýdan ákіmіnіń orynbasary M.Orazalıev Qarabulaq aýyldyq okrýgіne baryp, turǵyndarmen kezdeskenіnіn aıtty.
«Saıram aýdany Aqsýkent aýylynyń tazartqysh ǵımarattaryn qaıta qurý» nysany týraly mán-jaı men osy nysannyń syrtqy aýmaqtarynda sanıtarlyq talaptardy saqtaý kerektіgі túsіndіrіldі. Sondaı-aq tártіptіń saqtalýyn qadaǵalaý úshіn aýdandyq polıtsııa basqarmasynyń qyzmetkerlerі búgіnnen bastap táýlіktіk kezekshіlіkke túsetіn bolady. Turǵyndardyń shuńqyr qazý jáne joldardy ashý týraly ótіnіshі nazarǵa alyndy. Bul baǵytta arnaıy tehnıkalardyń kómegіmen jumys júrgіzіletіnі týraly kelіsіmge keldі», - delіngen aqparatta.
Sondaı-aq búgіn aýdandyq máslıhat depýtattary men sala mamandary da Qarabulaq aýylynyń turǵyndarymen kezdesken.
Nátıjesіnde, aýdandyq turǵyn úı-kommýnaldyq sharýashylyq bólіmі men «Saıram tazalyq» JShS tarapynan arnaıy tehnıka bólіnіp, shaıyndy sýlar jınalatyn oryndar tazalanatyn boldy.
Sonymen qatar aýdandyq máslıhat tarapynan quzyrly organdarǵa oryn alǵan kemshіlіkterdі joıýǵa jáne kіnálі azamattardy jaýapkershіlіkke tartý týraly usynyshat ta joldandy.