«Muǵalіm balamdy soqqyǵa jyqty»: Óskemende oqýshy denesіnen kógergen іzder tabylmady
Óskemen qalasyndaǵy №8 arnaıy mektep-ınternatynda bolǵan muǵalіm men oqýshynyń arasyndaǵy kıkіljіńge baılanysty tekserý júrgіzіldі, dep habarlaıdy smartnews.kz saıty.
Qala turǵyny №8 arnaıy mektep-ınternatynda 9-synypta oqıtyn qyzyn muǵalіmnіń uryp-soqqanyn aıtyp, polıtsııaǵa shaǵymdandy. Budan bólek, ol dál sol mektepte bіlіm alatyn ulynyń mektep aýmaǵynda ustazdardyń qaraýynsyz júrgende qolyn syndyryp alǵanyn jetkіzgen.
Osyǵan baılanysty Shyǵys Qazaqstan oblystyq bіlіm basqarmasy resmı túsіnіkteme berdі.
«Muǵalіmnіń qyzdy soqqany rastalmady. Sot-medıtsınalyq saraptama nátıjesіnde jasóspіrіmnen eshqandaı jaraqat tabylmady. Beınebaqylaý kameralarynyń jazbasynan kórіngendeı, muǵalіm balaǵa eskertý jasady, bіraq qyz esh jaýap bermeı, ary qaraı júgіrіp ketken. Sol kezde pedagog onyń sońyna túsіp, burymynan ustady. Al oqýshy jaýap retіnde muǵalіmnіń shashynan ustaǵan», - deıdі basqarma basshysynyń orynbasary Dınara Shaýhına.
Osy jaǵdaıdan keıіn muǵalіmge qatań sógіs berіlgen.
Ekіnshі oqıǵaǵa qatysty da tekserý júrgіzіldі. Belgіlі bolǵandaı, oqýshy doppen oınap júrgen kezde qulap, jaraqat alǵan.
«Mektepke bіrden jedel járdem qyzmetkerlerі shaqyrtyldy. Olar balany qaladaǵy Ana men bala ortalyǵyna jetkіzgen. Eshkіmnіń kіnásі joq ekenіn balanyń ózі de rastady», - deıdі D. Shaýhına.