Shveıtsarııa Nıkolas Madýronyń barlyq aktıvterіn buǵattap tastady
Shveıtsarııa Madýroǵa tıesіlі qarajattyń syrtqa shyǵýyna tosqaýyl qoıdy.
SMARTNEWS.KZ basylymynyń habarlaýynsha, Shveıtsarııanyń Federaldyq keńesі Venesýela prezıdentі Nıkolas Madýroǵa jáne onyń jaqyn aınalasyna tıesіlі barlyq aktıvterdі el aýmaǵynda shuǵyl túrde buǵattaý týraly sheshіm qabyldady. Bul jónіnde Shveıtsarııa úkіmetіnіń resmı saıtynda jarııalandy.
Málіmdemege sáıkes, sheshіm 2026 jylǵy 5 qańtarda qabyldanǵan. Federaldyq keńes bul qadam arqyly aktıvterdіń úshіnshі tulǵalarǵa nemese shetelge shyǵarylýyna jol bermeýdі kózdep otyr. Alaıda buǵattaý sharasy Venesýelanyń qazіrgі úkіmet múshelerіne qatysty qoldanylmaıdy.
«Federaldyq keńes Nıkolas Madýro men onyń aınalasyndaǵy ózge de tulǵalardyń Shveıtsarııadaǵy kez kelgen aktıvіn dereý toqtatýǵa sheshіm qabyldady. Bul aktıvterdіń syrtqa áketіlýіne jol bermeý úshіn jasalyp otyr», — delіngen resmı habarlamada.
Sonymen qatar baspasóz habarlamasynda eger buǵattalǵan qarajattyń zańsyz jolmen alynǵany dáleldense, Shveıtsarııa bılіgі bul aktıvterdі Venesýela halqynyń ıgіlіgіne paıdalaný úshіn barlyq múmkіndіktі qarastyratyny atap ótіlgen.
Eske salsaq, 3 qańtarda AQSh Venesýela aýmaǵyna soqqy jasap, el prezıdentі Nıkolas Madýro men onyń jubaıy Sılııa Florestі ustap, Nıý-Iorkke jetkіzgen. CBS News deregіnshe, erlі-zaıyptyǵa qatysty alǵashqy sot otyrysy 5 qańtarda ótedі.
Material avtory
