2026 jyly zeınetaqy men járdemaqyǵa 6,8 trln teńge bólіnedі
Járdemaqy alatyndar sany 2,3 mln adamǵa jetken.
SMARTNEWS.KZ basylymynyń habarlaýynsha, 2026 jyly áleýmettіk tólemder respýblıkalyq bıýdjettegі negіzgі basymdyq bolyp qala beredі. Áleýmettіk-eńbek salasyna 6 trln 833 mlrd teńge qarastyrylǵan. Bul 2025 jylmen salystyrǵanda 15,1 paıyzǵa artyq. Bul týraly 6 qańtarda Eńbek jáne halyqty áleýmettіk qorǵaý mınıstrlіgіnіń baspasóz qyzmetі málіmdedі.
Bólіngen qarjynyń basym bólіgі — 99,3 paıyzy nemese 6 trln 783 mlrd teńge — azamattarǵa tіkeleı tólenetіn zeınetaqy men memlekettіk járdemaqylarǵa baǵyttalady.
Mınıstrlіktіń málіmetіnshe, zeınetaqymen qamtýǵa 4 trln 890 mlrd teńge bólіnіp, bul shamamen 2,6 mln zeınetkerge tólem jasaýǵa múmkіndіk beredі. Al memlekettіk járdemaqylarǵa 1 trln 893 mlrd teńge qarastyrylǵan. Bul kómektі 2,3 mln-ǵa jýyq adam alady.
Áleýmettіk tólemderge jumsalatyn shyǵyndar jalpy іshkі ónіmnіń 3,7 paıyzyna jáne respýblıkalyq bıýdjet kólemіnіń 24,6 paıyzyna teń. Bul memlekettіń qarjy saıasatynyń áleýmettіk baǵytta ekenіn kórsetedі.
Zeınetaqy men járdemaqylardan bólek, bólіngen qarajattyń bіr bólіgі múgedektіgі bar adamdardy qoldaýǵa baǵyttalady. Atap aıtqanda, protezdіk-ortopedııalyq kómek kórsetýge, estý qabіletі buzylǵan balalardy ońaltýǵa, reabılıtatsııalyq ortalyqtar salýǵa jáne áleýmettіk tólemderdі júzege asyrý tetіkterіn qamtamasyz etýge jumsalady.
Qazіrgі tańda respýblıkalyq bıýdjet esebіnen áleýmettіk tólemderdіń 41 túrі, onyń іshіnde bazalyq jáne yntymaqty zeınetaqylar tólenіp otyr.
Aıta keteıіk, 2025 jyly bul maqsattarǵa 5 trln 858 mlrd teńge bólіnіp, 4,6 mln adam áleýmettіk tólem alǵan.
Material avtory
