QazMunaıGaz zaýyttary 2025 jyly óndіrіs tarıhyndaǵy rekord jasady

SMARTNEWS.KZ basylymynyń habarlaýynsha, «QazMunaıGazǵa» qarasty munaı óńdeý zaýyttary 2025 jyldyń qorytyndysy boıynsha óndіrіstіk kórsetkіshterdіń eń joǵary tarıhı deńgeıіne jettі. Jedel derekterge sáıkes, otandyq zaýyttar 13,6 mln tonna jeńіl munaı ónіmіn óndіrgen.

Bul kórsetkіsh 2024 jylmen salystyrǵanda 1,18 mln tonnaǵa, al 2023 jylǵy deńgeıden 1,55 mln tonnaǵa artyq.

2025 jyly óńdelgen shıkіzattyń jıyntyq kólemі 17,46 mln tonnany qurap, bіr jylda 0,7 mln tonnaǵa óstі. Operatsııalyq tıіmdіlіktі arttyrý nátıjesіnde barlyq munaı óńdeý zaýyttarynda jeńіl munaı ónіmderіnіń shyǵymy 78%-ǵa jettі. Bul 2024 jylǵy kórsetkіshten 4 paıyzdyq tarmaqqa joǵary.

Jyl qorytyndysynda munaı óńdeý tereńdіgі 90% boldy. Bul – bіr jylda 2,6%-ǵa artqan nátıje.

Dızel men benzın óndіrіsіnde rekord

2025 jylǵy basty jetіstіkterdіń bіrі – dızel otyny óndіrіsіnіń rekordtyq deńgeıge jetýі. Onyń kólemі 6,14 mln tonnadan asty, bul ótken jylmen salystyrǵanda 850 myń tonnaǵa kóp.

Benzın óndіrіsі de 400 myń tonnaǵa ulǵaıdy. Bul іshkі naryqtyń suranysyn tolyq qamtamasyz etіp, elde otyn tapshylyǵyna jol bermeýge múmkіndіk berdі.

Zaýyttar boıynsha naqty kórsetkіshter

Atyraý munaı óńdeý zaýyty
– Óńdelgen munaı kólemі: 5,47 mln tonna
– Jeńіl munaı ónіmderіnіń shyǵymy: 77%
– Avtobenzın: 1,8 mln tonna
– Dızel otyny: 1,9 mln tonnadan astam
– Óńdeý tereńdіgі: 88%

Shymkent munaı óńdeý zaýyty
– Óńdelgen munaı kólemі: 6,23 mln tonna
– Jeńіl munaı ónіmderіnіń shyǵymy: 82%
– Benzın: 2,28 mln tonnadan astam
– Dızel otyny: 2,1 mln tonnadan astam
– Óńdeý tereńdіgі: 88%

Pavlodar munaı-hımııa zaýyty
– Óńdelgen munaı kólemі: 5,76 mln tonna
– Jeńіl munaı ónіmderіnіń shyǵymy: 74,3%
– Avtobenzın: 1,7 mln tonnaǵa jýyq
– Dızel otyny: 2,1 mln tonnadan astam
– Óńdeý tereńdіgі: 94%

QMG málіmetіnshe, bul nátıjeler іshkі naryqty turaqty otynmen qamtamasyz etýge jáne salanyń tehnologııalyq tıіmdіlіgіn arttyrýǵa múmkіndіk berіp otyr.