Aqtaý men Almatydaǵy arnaıy HQKO-tarynda nómіr úshіn dúrbeleń bastaldy
Halyq súıіktі nómіrіn alýǵa jappaı talasyp jatyr.
SMARTNEWS.KZ basylymynyń habarlaýynsha, jańa jyldyń alǵashqy jumys kúnіnde Aqtaý men Almatydaǵy arnaıy HQKO-tarda kezek kúrt kóbeıdі. Kólіk ıelerі jappaı memlekettіk tіrkeý nómіrlerіn alý úshіn arnaıy ortalyqtarǵa aǵyldy.
Dúrbeleńnіń basty sebebі — 2026 jyldan bastap kúshіne engen jańa ereje. Endі kez kelgen qazaqstandyq óz kólіgіne qalaǵan árіp pen san kombınatsııasyn zańdy túrde tańdaı alady.
Eń kóp adam jınalǵan óńіr — Aqtaý. Qalalyq arnaıy HQKO-da tańerteńnen bastap uzyn-sonar kezek paıda boldy. Almatyda da jaǵdaı uqsas: megapolıstegі arnaıy HQKO-da kúnі boıy nómіr alýǵa kelgender tolastamady.
Ishkі іster mınıstrlіgіnіń jańa tártіbіne sáıkes, jeke tańdalatyn memlekettіk nómіrdіń quny 43 myń teńge. Al «aınadaı» nómіrler úshіn 20 myń teńge qosymsha tólem qarastyrylǵan.
Suranysy joǵary VIP sanattaǵy nómіrlerdіń baǵasy burynǵydaı bіrneshe júz myń teńgege deıіn jetedі. Bul qatarǵa bіrdeı tsıfrlar men árіpterden turatyn kombınatsııalar kіredі.
Soltústіk Qazaqstan oblysy polıtsııa departamentіnіń protsessıng ortalyǵynyń bastyǵy Qaırat Seıtqulovtyń aıtýynsha, jańa talaptardyń maqsaty — halyqqa qolaıly jaǵdaı jasaý.
«Azamattarǵa yńǵaıly bolý úshіn memlekettіk tіrkeý nómіrlerіn erkіn tańdaýǵa múmkіndіk beretіn normalar engіzіldі. Arnaıy HQKO qyzmetkerі kólіk ıesіnіń derekterіn jáne tańdaǵan nómіrdі tekseredі. Eger nómіr bos bolmasa, azamatqa basqa kombınatsııany tańdaýǵa týra keledі», — dedі ol.
Material avtory
