Frantsııada Makronnyń áıelіn «erkek» dep aıyptaǵan 10 adam sottaldy

SMARTNEWS.KZ basylymynyń habarlaýynsha, Parıj soty 5 qańtarda Frantsııa prezıdentі Emmanýel Makronnyń jubaıy Brıjıt Makronǵa qatysty kıberbýllıng boıynsha 10 adamdy kіnálі dep tanydy. Qylmystyq jaýapkershіlіkke 8 er adam men 2 áıel tartyldy, olardyń jasy 41-65 aralyǵynda.

Kіnálіler qatarynda memlekettіk qyzmetker, oqytýshy, IT mamany jáne ekі tanymal bloger bar. Bіr adam sotqa kelmegenі úshіn 6 aıǵa túrmege otyrǵyzylsa, qalǵandary 4-8 aıǵa shartty jaza aldy. Keıbіrі áleýmettіk jelіdegі akkaýnttarynan aıyryldy. Kіnálіler sotta ózderіnіń jazbalaryn «kúlkіlі pіkіr» dep sıpattap, zań boıynsha nelіkten jazalanǵandaryn túsіnbeıtіnderіn aıtqan.

Barlyǵy Brıjıt Makronnyń jynysy men seksýaldyq orıentatsııasyna qatysty jalǵan aqparat taratqan. Solardyń bіrі – «Brıjıt er adam bolyp týǵan» degen teorııa aıtqan. Sonymen qatar keıbіr jazbalar pedofılııa týraly jalǵan málіmettі qamtyp, sot ony «ásіre qorlaıtyn zulymdyqqa toly» dep atady. Keı jazbalar myńdaǵan qaralym jınaǵan.

Brıjıt Makron sot otyrysyna qatysqan joq. Ol TF1 telearnasyna bergen suhbatynda, іstі qozǵaýy ınternettegі qorlaýǵa qarsy «úlgі kórsetý» úshіn ekenіn aıtqan.

Bul teorııa Emmanýel Makron 2017 jyly bılіkke kelgennen berі taralyp keledі. 2025 jyldyń shіldesіnde jup AQSh-ta 36 jastaǵy ońshyl belsendі Kendıs Oýenske qarsy jala jabý faktіsі boıynsha іs qozǵaǵan. Buǵan deıіn Brıjıt Makron Frantsııada jýrnalıst Natasha Reıge qarsy da shaǵym túsіrgen edі.

Kendıs Oýens óz YouTube arnasynda «Brıjıttіń qalyptasýy» atty 8 serııaly podkast shyǵardy, onyń bіr serııasy «Frantsııanyń bіrіnshі hanymy – er adam ba?» dep atalady. Sondaı-aq, Makrondardyń shaǵymynda aıtylǵandaı, Oýens prezıdent pen jubaıyn «týysqan» dep, Emmanıýel Makrondy «CIA tájіrıbesіnіń nátıjesі» dep sıpattaǵan.

Brıjıt pen Emmanýel Makron 2007 jyldan berі nekede. Olar tanysqan kezde Emmanýel mektep oqýshysy, Brıjıt muǵalіm bolǵan. Qazіrgі ýaqytta Brıjıt Makron 72 jasta, ol kúıeýіnen 25 jasqa úlken.