Zeınetaqy qarjysyn stomatologııa arqyly jymqyrǵan 11 kúdіktі qamaýǵa alyndy
Kúdіktіler elıtalyq múlіk satyp alǵan, jańa klınıkalar ashqany anyqtaldy.
SMARTNEWS.KZ basylymynyń habarlaýynsha, Qarjylyq monıtorıng agenttіgі «Bіryńǵaı jınaqtaýshy zeınetaqy qory» AQ-dan azamattardyń jınaqtaryn zańsyz shyǵarý faktіlerі boıynsha tergeýdі jalǵastyryp jatyr. Tergeý stomatologııalyq klınıkalardyń basshylary men basqa tulǵalardy qamtıdy.
Alynǵan málіmetterge sáıkes, zeınetaqy qarajattary formaldy túrde stomatologııalyq qyzmet kórsetý kelіsіmderі jasasý arqyly, keıіn jalǵan medıtsınalyq qujattar usyný arqyly shyǵarylǵan. Kúdіktіler alynǵan qarajattyń 10–20%-yn zańsyz syıaqy retіnde ustap otyrǵan.
Qylmystyq shemaǵa 42 stomatologııalyq klınıka qatysqan, jalpy somasy 200 mlrd teńgeden astam qarajat shyǵarylǵan. Kúdіktіler bul tabysty elıtalyq jyljymaıtyn jáne jyljymaly múlіk satyp alýǵa jumsaǵan, keıbіrіn úshіnshі tulǵalardyń atyna rásіmdep, jańa klınıkalar ashqan.
Qazіrgі ýaqytta 11 kúdіktі 2 aıǵa qamaýǵa alyndy, al úsheýіne úıqamaq túrіndegі bultartpaý sharasy qoldanyldy. Sondaı-aq, keıbіr dárіgerler dárіgerlіk-konsýltatsııalyq komıssııalardan (DKK) jalǵan qorytyndylar berіp, zańsyz syıaqy alý úshіn júıelі túrde kómektesken. Bul somanyń jalpy kólemі 30 mln teńgeden asady.
Bіrqatar sotqa deıіngі tergeý amaldary bastalǵan. Aıta keteıіk, óz jınaqtaryn alǵan azamattar qylmystyq jaýapkershіlіkke tartylmaıdy.
Qazaqstan Respýblıkasy Qylmystyq-protsestіk kodeksіnіń 201-babyna sáıkes, basqa aqparat jarııa etýge jatpaıdy.
Material avtory
