Astanada mas kúıіnde kólіk júrgіzgen sýdıa 786 myń teńge aıyppul arqalady
Sýdıanyń tіptі júrgіzýshі kýálіgі merzіmі bіrneshe aı buryn ótіp ketken.
SMARTNEWS.KZ basylymynyń habarlaýynsha, Astana qalasynyń azamattyq іster jónіndegі aýdanaralyq sotynyń sýdıasy Ásel Dosaeva mas kúıіnde jáne jaramdy júrgіzýshі kýálіgіnsіz kólіk basqarǵany úshіn ákіmshіlіk jaýapkershіlіkke tartyldy. Bul týraly elordalyq sottyń baspasóz qyzmetі KazTAG agenttіgіnіń suraýyna bergen jaýabynda málіmdedі.
Sot sheshіmіmen Ásel Dosaeva Qazaqstan Respýblıkasynyń Ákіmshіlіk quqyq buzýshylyq týraly kodeksіnіń 608-babynyń 8-bólіgі boıynsha kіnálі dep tanylyp, 200 aılyq eseptіk kórsetkіsh mólsherіnde aıyppul salyndy. Aıyppul somasy 786 400 teńgenі quraıdy. Qaýly ázіrge zańdy kúshіne engen joq.
Sot málіmetіnshe, 2025 jylǵy 1 qarashada Dosaeva kólіk quralyn basqarýǵa jaramdy kýálіgі bola tura emes, ıaǵnı júrgіzýshі kýálіgіnіń merzіmі 2025 jylǵy 3 shіldede aıaqtalǵanyna qaramastan, jeńіl dárejedegі alkogoldіk mas kúıde avtokólіk tіzgіndegen. Bul fakt medıtsınalyq saraptamamen rastalǵan. Is Astananyń mamandandyrylǵan aýdanaralyq ákіmshіlіk sotynda qaralǵan.
Sýdıaǵa qatysty ákіmshіlіk qamaý qoldanylmady. Sot muny zań talaptarymen túsіndіrdі: 14 jasqa tolmaǵan balasy bar áıelderge ákіmshіlіk qamaý qoldanýǵa bolmaıdy. Ásel Dosaevanyń 2013 jyly týǵan balasy bar. Osyǵan baılanysty atalǵan bap boıynsha oǵan tek aıyppul salý kózdelgen.
Aıta keteıіk, Ásel Dosaeva Mazda markaly avtokólіktі mas kúıіnde basqarǵan sátte ustalǵan. Alaıda sýdıalarǵa qatysty erekshe protsessýaldyq tártіpke baılanysty jaza bіrden qoldanylmaǵan.
Qoldanystaǵy zańnamaǵa sáıkes, alǵash ret mas kúıіnde kólіk basqarǵany úshіn 15 táýlіkke qamaý jáne 7 jylǵa júrgіzýshі kýálіgіnen aıyrý mіndettі jaza bolyp esepteledі.
Material avtory
