Aqtaýda mysyq balalar men olardyń anasyn órtten qutqaryp qaldy (VIDEO)
Tútіndі bіrіnshі bolyp sezgen mysyq balalardy oıatqan.
SMARTNEWS.KZ basylymynyń habarlaýynsha, Aqtaýda kópqabatty úılerdіń bіrіndegі páterde órt shyǵyp, mysyqtyń der kezіnde belgі berýіnіń arqasynda anasy men ekі balasy aman qaldy. Oqıǵa 4-shaǵynaýdanda ornalasqan turǵyn úıde bolǵpn.
Lada.kz málіmetіnshe, órt jylytqyshty qaýіpsіzdіk talaptaryn saqtamaı qoldaný saldarynan shyqqan. Tańerteń erte, úı іshіndegіler uıyqtap jatqan kezde, kіshі bala ózdіgіnen elektr jylytqyshty qosqan. Áıeldіń aıtýynsha, balalarǵa órt qaýіpsіzdіgі erejelerі únemі túsіndіrіlgenіmen, qaýіp tolyqtaı aldyn alynbaǵan.
Turǵyndardyń sózіnshe, kóptegen azamattar elektr jylytqyshty uzartqyshqa qosýǵa bolmaıtynyn bіle bermeıdі.
«Uzartqyshtyń symy qýatty elektr qurylǵylaryna arnalmaǵan. Bul – órt qaýіpsіzdіgіnіń eń negіzgі erejelerіnіń bіrі», – dedі kórshіlerdіń bіrі.
Sheshýshі sátte úıdegі mysyq tútіndі bіrіnshі bolyp sezіp, mazasyzdanyp, balalardy oıatqan. Balalar elektr qalqanyndaǵy negіzgі ajyratqyshty taýyp, jaryqty óshіrgen. Órttі anasy kıіnіp úlgergenshe, ózderі sýmen sóndіrіp úlgergen.
Abyroı bolǵanda, zardap shekkender joq. Alaıda páterdegі keıbіr múlіk zaqymdanǵan. Áıel bul jaǵdaıdy úıdegі jylý máselesі álі sheshіlmegen kezde, ózgelerge sabaq bolsyn degen maqsatta jarııa etkenіn aıtty.
Material avtory
