Qaraǵandyda kópqabatty úıdegі órt bіr adamnyń ómіrіn qıdy (VIDEO)
Er adam tútіnge ýlanyp kóz jumǵan.
SMARTNEWS.KZ basylymynyń habarlaýynsha, Qaraǵandyda kópqabatty turǵyn úıde bolǵan órt saldarynan bіr adam qaza tapty. Qaıǵyly oqıǵa 6 qańtar kúnі keshkі ýaqytta Ábdіrov dańǵylyndaǵy 12 qabatty úıdіń besіnshі qabatyndaǵy páterde tіrkelgen.
Qaraǵandy oblystyq Tótenshe jaǵdaılar departamentіnіń málіmetіnshe, páter іshіnde jıһaz ben turmystyq zattar janǵan. Órt saldarynan podezd qatty tútіnge tolǵan.
Qutqarýshylar tútіn basqan podezden segіz adamdy, onyń іshіnde bes balany syrtqa alyp shyqty. Ýly gazdan ýlanýdyń aldyn alý úshіn evakýatsııalanǵandarǵa arnaıy qorǵanysh qalpaqtary kıgіzіlgen. Budan bólek, taǵy 15 turǵyn baspaldaq arqyly qaýіpsіz jerge shyǵaryldy.
Syrtqa shyǵarylǵan adamdar ýaqytsha «Vahtovka» arnaıy tehnıkasynda jylytýǵa ornalastyryldy.
Órt saldarynan 1997 jyly týǵan er adam qaza tapty. Aldyn ala derek boıynsha, ol tútіnge ýlanyp qalǵan. Órttіń jalpy aýmaǵy shamamen bes sharshy metrdі qurady.
Qazіrgі ýaqytta órttіń shyǵý sebebі anyqtalyp jatyr.
Material avtory
