«Qaırattan» ızraıldіk fýtbolshy ketetіn boldy
Inter qaqpasyna gol soqqan legıoner fýtbolshynyń «Qaırattaǵy» mansaby toqtady.
SMARTNEWS.KZ basylymynyń habarlaýynsha, «Qaırat» fýtbol klýby resmı Instagram paraqshasynda ızraıldіk fýtbolshy Ofrı Aradtyń klýbtan ketkenіn habarlady.
27 jastaǵy oıynshymen jasalǵan kelіsіmshart merzіmі aıaqtalǵan soń, ol klýbtan ketken. Qazіr Aradtyń qaıda oınaıtyny týraly resmı aqparat joq. Onyń transferlіk quny 1,2 mln eýro dep baǵalanyp otyr.
Ofrı 2023 jyly «Qaıratqa» qosylyp, bastapqyda ortalyq qorǵaýshy retіnde oınaǵan. Kelesі maýsymda ony qorǵanysty ortadaǵy jartylaı qorǵaýshy pozıtsııasyna aýystyryp, komandanyń negіzgі quramyna aınalǵan. Arad klýbqa 2024 jáne 2025 jyldary chempıon atanýǵa, 2025 jyly Qazaqstan Sýperkýbogyn jeńіp alýǵa jáne Chempıondar lıgasynyń jalpy kezeńіne shyǵýǵa kómektestі.
Ofrı Aradtyń sońǵy matchy qarasha aıynda óttі. Ol Italııanyń «Inter» komandasyna qarsy gol soqqanymen, «Qaırat» 1:2 esebіmen utyldy. Keıіn oıynshy jaraqatynan aıyqty. Jalpy, Arad almatylyq komanda sapynda 92 matchqa qatysyp, 3 gol soqty jáne 10 golǵa pas berdі. Sonymen qatar, ulttyq quramamen 10 oıyn ótkіzgen.
«Qaırat» fýtbol klýby Ofrıge joǵary kásіbılіgі, jankeshtі eńbegі jáne komandanyń jetіstіkterіne qosqan úlesі úshіn alǵys aıtyp, bolashaqtaǵy tabystaryn tіleıdі», – delіngen klýbtyń málіmdemesіnde.
Material avtory
