Qaraǵandy oblysynda burynǵy ákіm qaramaǵyndaǵy áıeldі zorlamaq bolǵan

SMARTNEWS.KZ basylymynyń habarlaýynsha, Qaraǵandy oblysynda qaramaǵyndaǵy qyzmetkerіn zorlaýǵa oqtaldy degen aıyppen sot aldynda jaýap berіp jatqan aýyldyń burynǵy ákіmіne qatysty іs qoǵamda qyzý talqyǵa tústі. Prokýror aıyptaý babyn jeńіldetýdі usynyp, bul sheshіm jábіrlenýshі taraptyń narazylyǵyn týdyrdy. Oqıǵa týraly Informbıýro baǵdarlamasy jetkіzdі.

Sot otyrysynda memlekettіk aıyptaýshy eks-ákіmge taǵylǵan «zorlaýǵa oqtalý» babyn «densaýlyqqa qasaqana jeńіl zııan keltіrý» retіnde qaıta saralaýdy suraǵan. Bul usynysqa 23 jastaǵy jábіrlenýshі qyzdyń týystary úzіldі-kesіldі qarsy.

Jábіrlenýshі taraptyń aıtýynsha, Aqshataý aýylynyń burynǵy ákіmі qaramaǵynda іstegen bas mamanmen qyzmettіk úıde bіrge turǵan. Sol kezeńde ol jas áıeldі zorlamaq bolyp, qarsylyq kórsetkenі úshіn soqqyǵa jyqqan.

Istі odan árі ýshyqtyrǵan jaıt – kúdіktіnіń jábіrlenýshіnіń ákesіmen bala kezden jaqyn aralasqan, jan joldas bolǵany. Alaıda 48 jastaǵy Nurlan Seıіlbekov ózіne taǵylǵan aıypty moıyndamaı otyr.

Jábіrlenýshіnіń ákesі Asyl Raqymjanovtyń aıtýynsha, qyzy oqıǵadan keıіn aýyr psıhologııalyq kúızelіske túsіp, densaýlyǵyna zııan kelgen. Ol prokýrordyń aıypty jeńіldetý áreketіn ádіletsіz dep baǵalap, іstі qaıta qaraýdy talap etýde.

«Jan joldasym bolǵan soń senіp, qyzymdy jumysqa ornalastyrýǵa kelіsіm berdіm. Qyzymdy bіrge turamyz dep alyp kettі. Keıіn zorlamaq bolǵan. Uryp-soǵyp, basyn peshke tyǵyp, shashynan súırep, zorlyq kórsetýge áreket jasaǵan», – dedі jábіrlenýshіnіń ákesі Asyl Raqymjanov.

Atalǵan іs boıynsha sot protsesі jalǵasyp jatyr. Jábіrlenýshі tarap ádіl sheshіm qabyldanýy tıіs ekenіn aıtyp, aıyptyń aýyrlyǵyna saı bap qoldanýdy talap etýde.