Astanada jolaýshy úıіlgen qoqysyn avtobýsqa tastap ketken (VIDEO)

SMARTNEWS.KZ basylymynyń habarlaýynsha, Astana qalasyndaǵy qoǵamdyq kólіkterdіń bіrіnіń júrgіzýshіsі reısten keıіngі salonnyń jaǵdaıyn vıdeoǵa túsіrіp, jolaýshylardy tazalyq saqtaýǵa shaqyrdy. Kadrlar áleýmettіk jelіde taralyp, qoǵamnyń ashý-yzasyn týdyrdy.

Vıdeoda avtobýs іshіnіń ár jerіne tastalǵan turmystyq, onyń іshіnde úı qoqysy anyq kórіnedі. Qoqysqa tolǵan salon kópshіlіktіń narazylyǵyn kúsheıttі.

Jelі qoldanýshylary bul árekettі mádenıetsіzdіk dep baǵalap, jaýapkershіlіkke tartýdy talap ettі.

«Kameralar ne úshіn tur? Taýyp, jazalaý kerek», «Kamera arqyly anyqtap, aıyppul salý qajet», dep jazdy pіkіr qaldyrýshylar.

Keıbіr qoldanýshylar mundaı jaǵdaıdyń jıі kezdesetіnіn aıtyp, uqsas oqıǵalardy eske aldy.

Avtobýs júrgіzýshіsі jolaýshylardy qoǵamdyq kólіkte tazalyq saqtaýǵa jáne eńbek adamyn qurmetteýge úndedі. Bul úndeýdі kópshіlіk qoldap, qoǵamdyq múlіkke jaýapkershіlіkpen qaraýdyń mańyzyn atap óttі.