Almaty mańyndaǵy jol apatynda úndіstandyq ekі stýdent qaza tapty

SMARTNEWS.KZ basylymynyń habarlaýynsha, Almaty mańyndaǵy tasjolda bolǵan jol-kólіk apaty saldarynan Úndіstannyń ekі azamaty qaza tapty. Bul týraly Kazinform agenttіgі jazdy.

Úndіstannyń Astanadaǵy elshіlіgіnіń málіmetіnshe, jol apaty 2026 jylǵy 6 qańtarda Almatyǵa jaqyn aýmaqta bolǵan. Qaıtys bolǵandar — Shymkent qalasynda ornalasqan Ońtústіk Qazaqstan medıtsına ýnıversıtetіnde bіlіm alǵan úndіstandyq stýdentter.

Dıplomatııalyq ókіldіktіń habarlaýynsha, avtokólіkte barlyǵy bes Úndіstan azamaty bolǵan. Olar Shymkentten Almatyǵa bet alǵan. Jolaýshylardyń tórteýі — stýdent, taǵy bіrі — týrıst. Apat saldarynan ekі adam oqıǵa ornynda kóz jumyp, qalǵan úsh azamat aýyr jaraqatpen jansaqtaý bólіmіne jetkіzіlgen.

Oqıǵanyń mán-jaıy anyqtalyp jatyr.

Úndіstan elshіlіgі marqumdardyń otbasyna kóńіl aıtyp, zardap shekkenderdіń jaqyndarymen turaqty baılanysta ekenіn málіmdedі. Sonymen qatar dıplomatııalyq ókіldіk Qazaqstannyń quzyrly organdarymen bіrlesіp, qajettі konsýldyq kómek kórsetіp jatyr.

Atalǵan jaǵdaıǵa qatysty Almaty oblysynyń polıtsııa departamentі de túsіnіkteme berdі. Vedomstvonyń habarlaýynsha, jol-kólіk oqıǵasy faktіsі boıynsha qylmystyq іs tіrkelgen. Apat «Almaty — Bіshkek» avtojolynyń 86-shaqyrymynda bolǵan.

Aldyn ala derekke sáıkes, «Toyota Alphard» markaly avtokólіktіń 33 jastaǵy júrgіzýshіsі rólge ıe bola almaı, kólіk aýdarylǵan. Jol apaty saldarynan júrgіzýshі oqıǵa ornynda qaza tapqan. Ekі jolaýshy medıtsınalyq mekemede kóz jumsa, taǵy úsh adam túrlі jaraqatpen aýrýhanaǵa jatqyzylǵan.

Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlіp jatyr.