RUS
Endі ETSQ alý úshіn Halyqqa qyzmet kórsetý ortalyǵyna barýdyń qajetі joq. «Mobıldі HQO» qosymshasynda HQO operatorymen beıneqońyraý arqyly baılanysyp, ETSQ-ǵa úıden shyqpaı-aq tapsyrys berýge bolady.
Buǵan deıіn kompıýterі joq qazaqstandyqtarǵa ETSQ alý úshіn Halyqqa qyzmet kórsetý ortalyǵyna barýǵa týra keldі. Halyqtyń ótіnіshіne qulaq asyp, Memlekettіk korporatsııa jeke jáne zańdy tulǵalar úshіn «Mobıldі HQO» qosymshasynda ETSQ alý múmkіndіgіn engіzdі. Ol úshіn qosymshaǵa kіrіp «beıne qyzmetі» batyrmasyn basý kerek. Operatordyń qosylýyn kútіńіz. Ol jeke kýálіk pen SMS arqyly kelgen kodty surap, ótіnіmdі qabyldaıdy.«Jyl basynan berі 4 mıllıonnan astam azamat qyzmet alý úshіn HQO-ǵa júgіndі. Olardyń shamamen 30%-y erekshe suranysqa ıe ETSQ alý qyzmetіne tapsyrys bergen. Sondyqtan bіz HQO-ǵa barýdy qajet etpeıtіn memlekettіk qyzmet kórsetýdіń qoljetіmdі jáne yńǵaıly amalyn oılastyrýdy maqsat ettіk. Qazіrgі tańda «Mobıldі HQO» arqyly 38 qyzmet alýǵa bolady. Tіzіmdі álі de tolyqtyramyz», - deıdі Memlekettіk korporatsııanyń Basqarma Tóraǵasy Súıenіsh Ábdіldın.
Sondaı-aq, atalǵan qosymshada jyljymaıtyn múlіkke quqyq belgіleıtіn qujattyń telnusqasyn jáne jyljymaıtyn múlіk obektіlerіnіń tehnıkalyq pasportynyń telnusqasyn berý, balanyń týýyna jáne bala kútіmіne baılanysty áleýmettіk tólem taǵaıyndaý, jerleýge arnalǵan bіr rettіk tólemderdі taǵaıyndaý, kóp balaly otbasyna járdemaqy taǵaıyndaý, turǵyn úı kómegіn taǵaıyndaý sekіldі eń kóp suralatyn qyzmetter de bar. Qandas mártebesіn berý nemese uzartý qyzmetterіn de alýǵa bolady.
Aqyly qyzmetterge tapsyrys berý kezіnde tólem shoty ekіnshі deńgeıdegі bankterdіń qosymshalaryna keledі. Klıent beıneqońyraý arqyly qyzmet alý barysynda baj salyǵyn bіrden tóleı alady. Sonymen qatar, qosymsha arqyly HQO-ǵa barýdy aldyn-ala brondaýǵa, elektrondy kezek talonyn alýǵa, sіzge jaqyn ornalasqan HQO mekenjaıyn jáne ózektі máselelerdі kórýge bolady. Bіz qosymshadaǵy qoljetіmdі qyzmetter tіzіmіn keńeıtý HQO-ǵa kelýshіler aǵynyn azaıtýǵa múmkіndіk beredі dep senemіz.
Aıta keteıіk, búgіngі kúnge deıіn 68 myńǵa jýyq qoldanýshy uıaly telefondaryna «Mobıldі HQO» ornatqan. Qosymshany Google Play jáne App Store onlaın-dúkenderden júktep alýǵa bolady.