Almatyda meshіtke kelýshіlerdі tonaǵan er adam ustaldy (VIDEO)

SMARTNEWS.KZ basylymynyń habarlaýynsha, Almaty qalasynda meshіtterde urlyq jasaǵan kúdіktі anyqtalyp, qolǵa tústі. Bul týraly qalalyq Polıtsııa departamentіnіń baspasóz qyzmetі málіmdedі.

Tergeý málіmetіnshe, er adam qylmysty namaz ýaqytynda jasaǵan. Ol jamaǵattyń alańsyz qalǵan sátіn paıdalanyp, meshіtke kelgen azamattardyń uıaly telefondary men ámııandaryn jáne ózge de jeke zattaryn jasyryn túrde urlaǵan.

Alataý aýdandyq polıtsııa basqarmasynyń bastyǵy Edіlhan Baıǵaraevtyń aıtýynsha, quqyq qorǵaý organdary úshіn adamdar kóp jınalatyn oryndarda qaýіpsіzdіktі qamtamasyz etý — basty mіndetterdіń bіrі.

«Mundaı áreketter tek materıaldyq shyǵyn keltіrіp qana qoımaı, qoǵamnyń rýhanı jáne moraldyq qundylyqtaryna nuqsan keltіredі. Jedel-іzdestіrý sharalarynyń nátıjesіnde kúdіktі ustaldy. Árbіr derek boıynsha sotqa deıіngі tergep-tekserý júrgіzіlіp jatyr», — dedі ol.

Qazіrgі ýaqytta kúdіktіnіń bіrneshe urlyq deregіne qatysy anyqtalǵan. Sonymen qatar onyń basqa da osyǵan uqsas qylmystarǵa qatysy bar-joǵy tekserіlýde.