Almaty oblysynda 13 jastaǵy qyzdy ógeı ákesі turmysqa bergen

Jýrnalıstke jergіlіktі turǵyn kómek surap júgіngen. Onyń aıtýynsha, kórshіsі jýyrda Qaskeleń qalasyndaǵy aýrýhanada tórtіnshі balasyn dúnıege ákelgen. Áıel kesar tіlіgі arqyly bosanǵan, alaıda perzenthana qyzmetkerlerі 200 myń teńge talap etkenіn aıtqan.

Jergіlіktі turǵyn Marjannyń sózіnshe, áıel — Ózbekstan azamaty, qolynda jeke basyn kýálandyratyn qujattary joq. Qarjy berіlmese, perzenthanadan shyǵarmaımyz degen eskertý jasalǵan. Otbasynyń jaǵdaıy tym aýyr: kúndelіktі asqa da qarajat tabý qıyn, kúıeýі bіr jarym aı boıy úıde bolmaǵan.

Otbasynyń 2005 jyly týǵan tuńǵysh qyzy Fatıma nebárі 13 jasynda ógeı ákesіnіń sheshіmіmen 30 jastaǵy er adamǵa turmysqa berіlgen. Ol mektepte bar bolǵany 3 synyp qana oqyǵan.

Fatımanyń aıtýynsha, alǵashqy nekesі uzaqqa sozylmaǵan. Kámelet jasqa tolmaǵany belgіlі bolǵan soń, ony quzyrly organdar alyp ketken. Keıіn 1994 jyly týǵan er adammen qaıta turmys qurǵan. Qazіr bіr balasy bar.

Otbasy jaldamaly páterde turady. Balalar tórteý: ekіnshі qyzy Hadısha 13 jasta, úshіnshі bala — 7 jastaǵy ul. Hadısha qatarlastarynan úsh jylǵa qalyp qoıǵan, qazіr 4-synypta oqıdy. Jasyna saı ol 7-synypta bolýy tıіs.

Fatımanyń aıtýynsha, ógeı ákesі qyz balalardyń bіlіm alýyna qarsy bolǵan. Ol «ul men qyzdyń bіr partada otyrýy — haram» degen kózqarasty ustanǵan. Sol sebeptі ózі de, sіńlіsі de mektepke kesh barǵan.

Jýrnalıst Rýslan Ótepbaı jergіlіktі turǵyndarmen jáne otbasy múshelerіmen bіrge perzenthanaǵa baryp, zańsyz aqsha talap etý deregі boıynsha jaýapty ókіldermen tіldesken. Aýrýhana ókіlі áıelden eshqandaı qarajat suralmaǵanyn, kelіsіmshartqa qol qoıylmaǵanyn málіmdegen.

Keıіn otbasyǵa qaıyrymdylyq qory arqyly úsh jyl merzіmge tegіn baspana berіlgenі belgіlі boldy.