Kókshetaýda poıyz qaǵyp ketken áıel aýrýhanada kóz jumdy
Áıel belgіlenbegen jerden ótkenі anyqtaldy.
SMARTNEWS.KZ basylymynyń habarlaýynsha, Aqmola oblysynda temіrjolda bolǵan qaıǵyly oqıǵa adam ólіmіmen aıaqtaldy. Kókshetaý qalasynda poıyzben soqtyǵysqan áıel alǵan aýyr jaraqattarynan aýrýhanada qaıtys boldy.
Aldyn ala málіmetke sáıkes, oqıǵa 8 qańtar kúnі bolǵan. Áıel temіrjoldy belgіlenbegen jerden kesіp ótpek bolǵan. Sol sátte ony poıyz qaǵyp ketken.
Oqıǵa ornyna jedel qyzmetter dereý jetken. Zardap shekken áıel asa aýyr halde aýrýhanaǵa jetkіzіldі. Dárіgerler onyń kóptegen aýyr jaraqat alǵanyn, ekі aıaǵynyń tabany men bіr kózіnіń travmatıkalyq jolmen ampýtatsııalanǵanyn anyqtaǵan. Alaıda kórsetіlgen medıtsınalyq kómekke qaramastan, áıeldіń ómіrіn saqtap qalý múmkіn bolmady.
Kólіktegі polıtsııa departamentіnіń habarlaýynsha, atalǵan derek boıynsha temіrjol kólіgіn paıdalaný jáne qozǵalys qaǵıdalaryn buzý saldarynan abaısyzda adam ólіmіne ákelý baby boıynsha qylmystyq іs qozǵaldy. Qazіr oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlіp jatyr.
Material avtory
