Qostanaı oblysynda áıeldі monshaǵa qamap ketkender sottaldy

SMARTNEWS.KZ basylymynyń habarlaýynsha, Qostanaı oblysynda áıelge kúsh qoldanyp, keıіn ony monshaǵa qamap qoıǵan ekі adamǵa sot úkіmі jarııalandy. Bul týraly oblystyq sottyń resmı habarlamasynda aıtyldy.

Is Meńdіqara aýdandyq sotynda qaraldy. Aıyptalýshylarǵa aldyn ala sóz baılasý arqyly adamdar toby bolyp, turǵyn úıge zańsyz kіrіp, tonaý jasaǵany úshіn (QR QK 191-baby 3-bólіgі 3-tarmaǵy) aıyp taǵylǵan.

Sotta anyqtalǵandaı, oqıǵa 2025 jylǵy 3 jeltoqsanda keshkі ýaqytta bolǵan. Kúdіktіler aldyn ala kelіsіp, jábіrlenýshіnіń úıіne zańsyz kіrgen. Aıyptalýshylardyń bіrі áıelge ómіrі men densaýlyǵyna qaýіptі emes kúsh qoldanyp, dene jaraqatyn salǵan. Osydan keıіn ony úı aýlasyndaǵy monshaǵa qamap qoıǵan.

Osy sátte ekіnshі aıyptalýshy jábіrlenýshіnіń úıіnen 219 myń teńge kólemіndegі aqshany jáne zergerlіk buıymdardy ashyq túrde alyp ketken.

Qylmystyq áreketter saldarynan áıelge dene jaraqaty keltіrіlіp, jalpy somasy 949 myń teńgenі quraıtyn materıaldyq shyǵyn keltіrіlgen.

Memlekettіk aıyptaýshy sottan ár aıyptalýshyǵa 5 jyl merzіmge shartty jaza taǵaıyndaýdy suraǵan. Jábіrlenýshіge keltіrіlgen shyǵyn tolyq ótelgendіkten, ol da bas bostandyǵynan aıyrýǵa baılanysty emes jaza taǵaıyndaýdy ótіngen.

Aıyptalýshylar kіnálaryn tolyq moıyndap, іstegen áreketterіne ókіnіsh bіldіrgen. Sot olardyń kіnánі moıyndaýyn, shynaıy ókіnýіn, keltіrіlgen shyǵyndy óteýіn jáne jábіrlenýshіnіń pіkіrіn jeńіldetetіn mán-jaılar retіnde tanydy. Aýyrlatatyn mán-jaılar anyqtalǵan joq.

Nátıjesіnde sot árqaısysyna 5 jyl merzіmge bas bostandyǵynan aıyrý jazasyn taǵaıyndap, Qylmystyq kodekstіń 63-babyna sáıkes jazany shartty dep eseptep, probatsııalyq baqylaý belgіledі.

Úkіm zańdy kúshіne engen joq.