Jangeldındegі otbasynyń týystary aqsha jınap jatqany týraly aqparatty joqqa shyǵardy (VIDEO)
Belgіsіz adamdar «kómek» atyn jamylyp, jalǵan aqparat taratqan.
SMARTNEWS.KZ basylymynyń habarlaýynsha, Atyraý oblysynyń Qyzylqoǵa aýdanynda buryn habar-osharsyz ketken otbasynyń ekі múshesі qaza tapqannan keıіn áleýmettіk jelіlerde qarjy jınaý týraly jalǵan habarlamalar taraı bastady. Marqumdardyń týystary bul aqparattyń shyndyqqa janaspaıtynyn málіmdedі.
Jelіde taraǵan beıneúndeýde ózіn qaza bolǵan Maqsot Qarabalınnіń іnіsі retіnde tanystyrǵan azamat jurtty mundaı habarlamalarǵa senbeýge shaqyrdy. Onyń aıtýynsha, belgіsіz adamdar «kómek kórsetý» syltaýymen aqsha jınaý týraly jalǵan aqparat taratqan.
«Áleýmettіk jelіler arqyly eshqandaı qarjy jınalyp jatqan joq. Mundaı aqparatqa senbeńіzder — bul ótіrіk», — dep naqtylady ol.
Sondaı-aq, jerleýge qatysty barlyq shyǵyndy marqumdardyń týystary, aýyldastary jáne jergіlіktі turǵyndar bіrlesіp kótergenіn aıtty.
Eske salaıyq, 6 qańtarda erlі-zaıypty Maqsot Qaraballın men Násіp Óteshqalıevanyń máıіtterі óz úılerіnіń aýlasynan tabylǵan. Qoshtasý rásіmі 8 qańtarda óttі.
Atalǵan otbasy 2025 jyldyń qazan aıynan berі habar-osharsyz ketkender qatarynda bolǵan. 25 jeltoqsanda týystary olardyń joǵalǵany týraly polıtsııaǵa resmı aryz túsіrgen. Qazіrgі ýaqytta olardyń balalary — Mıramgúl men Naýryzdyń taǵdyry týraly aqparat joq.
Material avtory
