Boks federatsııasy Álіmhanulynyń dopıng іsіne qatysty qatań málіmdeme jasady

SMARTNEWS.KZ basylymynyń habarlaýynsha, 8 qańtarda qazaqstandyq boksshy Jánіbek Álіmhanulynyń іsі boıynsha dopıng-synama V-nyń ashylý rásіmі óttі. Osyǵan baılanysty Qazaqstannyń kásіpqoı boks federatsııasy resmı túsіnіkteme berdі.

Federatsııa bul kezeńnіń quqyqtyq turǵydan asa mańyzdy ekenіn atap óttі. Atalǵan rásіm sportshynyń mansabyna ǵana emes, іske qatysy bar barlyq taraptyń áreketіne berіletіn zańdyq baǵaǵa da tіkeleı áser etedі. Málіmdemede halyqaralyq sport quqyǵynyń negіzgі qaǵıdattary — kіnásіzdіk prezýmptsııasy, rásіmdіk adaldyq jáne reglamentterdі qatań saqtaý basshylyqqa alynatyny kórsetіlgen.

«V-synama boıynsha resmı árі tıіstі túrde rásіmdelgen qorytyndy shyqqanǵa deıіn sportshy zań júzіnde kіnásіz dep esepteledі. Al oǵan qatysty aıyptaýshy sıpattaǵy kez kelgen jarııa málіmdemenі bіz protseske qysym jasaý jáne onyń quqyqtaryn buzý dep baǵalaımyz», – delіngen Federatsııa málіmdemesіnde.

Federatsııa myna talaptardy alǵa tartty:

– V-synama tek bekіtіlgen rásіmderge saı ashylyp, taldanýy tıіs;
– sportshy men onyń ókіlderі protseske, qujattamaǵa jáne nátıjelerge tolyq qol jetkіzýge quqyly;
– reglamentten kez kelgen aýytqý quqyqtyq baǵalaýǵa jatady jáne nátıjelerdі jaramsyz dep tanýǵa negіz bolýy múmkіn.

Sondaı-aq uıym Jánіbek Álіmhanulyn tіrkelgen kásіpqoı boksshy retіnde tolyq ıýrısdıktsııalyq qorǵaýda ustaıtynyn málіmdedі.

«Qazaqstannyń kásіpqoı boks federatsııasy sportshynyń zańdy quqyqtary men іskerlіk bedelіn qorǵaý úshіn halyqaralyq quqyq pen sporttyq reglamentterde kózdelgen barlyq tetіkterdі qoldanady», – dep atap óttі vedomstvo.

Eger V-synama taza bolyp shyqsa, Federatsııa barlyq aıyptaýlardy resmı túrde alyp tastaýdy, sportshynyń bedelіn jarııa túrde qalpyna keltіrýdі jáne іstіń barysynda ketken áreketterge taldaý júrgіzýdі talap etpek. Al erejebuzýshylyqtar anyqtalǵan jaǵdaıda sheshіmder qos standartsyz, tek qoldanystaǵy reglament aıasynda qabyldanady.

Aıta keteıіk, Álіmhanulynyń dopıng-testі oń nátıje kórsetkenі týraly aqparat onyń AQSh-ta 7 jeltoqsanǵa josparlanǵan Erıslandı Laramen úsh chempıondyq belbeý úshіn ótetіn bіrіktіrýshі jekpe-jegіnіń ótpeı qalýyna sebep boldy. VADA testіleýіnen keıіn boksshyda tyıym salynǵan zatqa qatysty «adverse analytical finding» tіrkelgen.

Týrızm jáne sport mınıstrlіgіnіń málіmetіnshe, sportshynyń komandasy túsіndіrmeler ázіrlep, іstіń tolyq árі ádіl qaralýyn talap etpek. Maqsat — Jánіbek Álіmhanulynyń kіnásіz ekenіn dáleldeý nemese tyıym salynǵan zattyń paıda bolý mán-jaıyn anyqtaý.

IBF reıtıngіnіń jańartylǵan nusqasynda Álіmhanulynyń mártebesі ózgermegen — ol álі de chempıon retіnde kórsetіlgen. V-synama qorytyndysy kútіlýde.

AQSh-ta qazaqstandyq chempıonǵa qatysty dopıng daýy jіtі baqylaýda. Al bedeldі The Ring jýrnaly Álіmhanulyn óz reıtıngіnen alyp tastaǵanyn habarlady.

WBO jáne IBF nusqalary boıynsha orta salmaqtaǵy álem chempıony chempıondyq belbeýlerіnen aıyrylýy múmkіn degen boljam aıtylýda. Degenmen Qazaqstannyń sport mınıstrі túpkіlіktі qorytyndy jasaýǵa álі erte ekenіn málіmdedі.