Washington Post Mańǵystaýdyń «aı peızajyn» álemge tanytty
Mańǵystaý óńіrі halyqaralyq týrızm kartasyna ene bastady.
SMARTNEWS.KZ basylymynyń habarlaýynsha, AQSh-tyń bedeldі Washington Post basylymynda Mańǵystaý oblysynyń tabıǵı kórіktі jerlerіne arnalǵan kólemdі maqala jaryq kórdі. Materıalda óńіrdіń bіregeı landshafty men geologııalyq erekshelіkterі keńіnen sıpattalǵan. Bul týraly Lada.kz jazdy.
Maqala avtory, jýrnalıst Djennıfer Mıýller Mańǵystaýdaǵy kanondar men jartas túzіlіmderіn Aı betіne uqsatyp, olardy AQSh-taǵy áıgіlі Monýment-Vellı ulttyq parkіmen salystyrǵan. Avtor aımaq tabıǵatynyń daralyǵyna joǵary baǵa beredі.
«Bіz aralaǵan alqap ejelde Tetıs muhıtynyń túbіnde jatqan. Keıіn jer qabattary qozǵalyp, Pangeıa ydyrady da, sý keıіn shegіndі. Myńdaǵan jyl boıy tabıǵat alyp geologııalyq pіshіnderdі qalyptastyrdy. Jazyqtyń ortasynan semserdeı ótkіr jartastar, keń platolar men ıіlgen kúmbezder boı kóterіp tur. Bul óńіrdіń uzaq ýaqyt boıy qurǵaq árі qańyrap bos jatýy mıllıondaǵan jyldyq tarıhtyń іzіn búgіnge deıіn aıqyn saqtap qalǵan», – dep jazady jýrnalıst.
Maqalada Mańǵystaýdyń eń tanymal nysandary — Bozjyra shatqaly, Jyǵylǵan múıіsі, Qyzylqup alqaby jáne Toryshtaǵy sharlar alqaby egjeı-tegjeılі sıpattalǵan.
Djennıfer Mıýllerdіń aıtýynsha, uzaq ýaqyt boıy Mańǵystaý halyqaralyq týrısterdіń nazarynan tys qalyp kelgen. Alaıda qazіr óńіrge qyzyǵýshylyq artyp otyr. Sapar barysynda jýrnalıst Reseı, Qytaı jáne Italııadan kelgen týrısterdі kezdestіrgenіn atap ótedі. Al amerıkalyq saıahatshylar bul baǵytty endі ǵana tanı bastaǵan.
Material avtory
