Shymkentte 21 jastaǵy qyzdy kóshede pyshaqtap kettі

SMARTNEWS.KZ basylymynyń habarlaýynsha, 11 qańtar kúnі Shymkent qalasynda 21 jastaǵy boıjetken pyshaq jaraqatynan kóz jumdy. Qylmystyń bolǵanyn qala polıtsııasy resmı túrde rastady. Bul týraly Otyrar.kz jazdy.

Polıtsııa málіmetіnshe, marqumnyń ólіmіne qatysy bar degen kúdіktіnіń jeke basy anyqtalǵan. Qazіrgі ýaqytta atalǵan derek boıynsha qylmystyq іs qozǵalyp, kúdіktіnі ustaýǵa baǵyttalǵan jedel-іzdestіrý sharalary júrgіzіlіp jatyr.

Quqyq qorǵaý organdarynyń habarlaýynsha, aldyn ala málіmetter boıynsha kúdіktі marqum qyzben buryn tanys bolǵan.

«Kúdіktіnіń jeke basy anyqtaldy. Aldyn ala málіmetterge sáıkes, ol marqummen tanys bolǵan. Qazіr ony ustaý jáne qylmystyq jaýapkershіlіkke tartý úshіn barlyq qajettі jedel-іzdestіrý іs-sharalary júrgіzіlýde», – delіngen polıtsııa habarlamasynda.

Otyrar.kz portaly taratqan beınejazbada tártіp saqshylarynyń qolynda beınebaqylaý kameralarynan alynǵan jazbalar bar ekenі kórіnedі. Aldyn ala boljam boıynsha, qylmys kóshede jasalǵan bolýy múmkіn.

Polıtsııa ókіlderі turǵyndardy tek resmı derekkózderge senýge jáne rastalmaǵan aqparatty taratpaýǵa shaqyrdy. Tergeý jalǵasyp jatyr.