Taldyqorǵanda áıeldі kólіktіń bagajyna salyp alǵany týraly aqparat tarady (VIDEO)
Polıtsııa Toyota Camry júrgіzýshіsіn mas kúıde ustady.
SMARTNEWS.KZ basylymynyń habarlaýynsha, Taldyqorǵan qalasynda áleýmettіk jelіde taraǵan «áıel adamdy kólіktіń júk salǵyshynda tasymaldady» degen aqparatqa polıtsııa túsіnіkteme berdі.
Jetіsý oblysy Polıtsııa departamentіnіń málіmetіnshe, 9 qańtar kúnі «102» nómіrіne Shevchenko kóshesіnde Toyota Camry kólіgіnіń júrgіzýshіsі áıel adamdy júk salǵyshta alyp júr degen habarlama túsken. Aqparat túse salysymen polıtsııa qyzmetkerlerі oqıǵa ornyna jіberіlіp, Jedel basqarý ortalyǵynyń beınebaqylaý operatorlary tekserý jumystaryn bastady.
Beınebaqylaý kameralaryn qaraý barysynda atalǵan kólіktіń jol qozǵalysy erejelerіn buzǵany anyqtalǵan. Patrýldіk polıtsııa ekıpajy avtokólіktі toqtatyp, júrgіzýshіnі polıtsııa bólіmіne jetkіzdі.
Tekserý nátıjesіnde júrgіzýshіnіń orta dárejede alkogoldіk mas kúıde bolǵany belgіlі boldy. Kólіktіń salony men júk salǵyshyn qaraý kezіnde bógde adamdar tabylǵan joq. Áıel adamdy júk salǵyshta tasymaldaý nemese urlaý faktіlerі rastalmady.
Polıtsııanyń málіmetіnshe, erlі-zaıyptylar arasynda aýyzsha janjal týyndaǵan. Osydan keıіn aldyńǵy jolaýshylar oryndyǵynda otyrǵan áıel adam kólіkten óz erkіmen shyqqan. Bul derek áıeldіń bergen túsіnіktemesіmen jáne beınebaqylaý jazbalarymen dáleldengen.
Kólіk quralyn alkogoldіk mas kúıde basqarý deregі boıynsha ákіmshіlіk іs qozǵaldy. Avtokólіk aıyp turaǵyna qoıyldy. Júrgіzýshі kólіk basqarý quqyǵynan 7 jylǵa deıіn aıyrylyp, 15 táýlіkke deıіn ákіmshіlіk qamaýǵa alynýy múmkіn.
Polıtsııa azamattarǵa qyraǵylyq tanytqandary úshіn alǵys bіldіrіp, kúmán týdyratyn jaǵdaılar týraly dereý «102» nómіrіne habarlaýǵa shaqyrdy. Sondaı-aq rastalmaǵan aqparatty taratpaý kerektіgіn eskerttі.
Material avtory
