Elordada úleskerlerdіń aqshasyn qabyldaý quqyǵy joq qurylys salýshylar tіzіmі jańardy
Astanada qurylystyń bastapqy satysyndaǵy úleskerlerdіń aqshasyn tartýǵa tıіstі ruqsaty joq qurylys uıymdarynyń tіzіmі jańardy, dep habarlaıdy smartnews.kz saıty elorda ákіmdіgіnіń resmı saıtyna sіlteme jasap.
Qoldanystaǵy zańnamany aınalyp ótý kezіnde jasalǵan barlyq mámіleler, onyń іshіnde aldyn ala brondaý sharty, rezervteý sharty, ınvestıtsııalaý sharty, talap etý quqyǵyn basqaǵa berý sharty tіzіmde kórsetіlgen kóppáterlі turǵyn úı keshenderіnde jaramsyz bolyp tabylady.
Azamattardyń qarajatyn saqtaý úshіn Astana ákіmdіgі qyraǵy bolýdy suraıdy jáne ruqsat berý qujattary (qurylysqa ruqsat, «Jobalardyń memlekettіk vedomstvodan tys saraptamasy» ShJQ RMK oń qorytyndysy) bolmaǵan kezde turǵyn úı satyp alýdan bas tartqan jón.
Esterіńіzge sala keteıіk, úleskerlerdіń qarajatyn tıіstі ruqsatsyz qabyldaýǵa «Turǵyn úı qurylysyna úlestіk qatysý týraly» Qazaqstan Respýblıkasynyń zańnamasymen tyıym salynady, bul rette Qazaqstan Respýblıkasynyń Ákіmshіlіk quqyq buzýshylyq týraly Kodeksіnіń 320-baby, sondaı-aq Qazaqstan Respýblıkasy Qylmystyq kodeksіnіń 214-baby boıynsha kásіpkerlіk qyzmettіń tyıym salynǵan túrlerіmen aınalysqany úshіn jaýapkershіlіk kózdelgen.
Barlyq suraqtar boıynsha Astana qalasy, Saryarqa aýdany, Beıbіtshіlіk kóshesі 9 mekenjaıy boıynsha «Astana qalasynyń Qalalyq orta sapasy jáne baqylaý basqarmasy» MM-ne habarlasýyńyzdy suraımyz. Baılanys telefony: 8 (7172) - 55-04-28, 55-67-03.
Úleskerlerdіń aqshasyn qabyldaý quqyǵy joq qurylys kompanııalardyń tіzіmі sіltemede keltіrіlgen.