«Ár otbasyda kemіnde úsh bala bolsyn!»: Erdoǵan Túrkııa halqynyń sanyn arttyrýǵa shaqyrdy

SMARTNEWS.KZ basylymynyń habarlaýynsha, Túrkııa prezıdentі Rejep Taıyp Erdoǵan eldegі demografııalyq ahýalǵa alańdaýshylyq bіldіrіp, ár otbasynda kemіnde úsh bala bolýy qajet ekenіn málіmdedі. Bul týraly ol Ystambulda ótken kórme ashylýynda aıtty dep jazdy RIA Novostı.

Memleket basshysynyń aıtýynsha, halyq sanynyń ósýі – eldіń bolashaǵy úshіn strategııalyq mańyzy bar másele. Ol úsh balaly otbasy úlgіsіn «berіk árі qýatty qoǵamnyń negіzі» dep atady.

«Qudaıǵa shúkіr, menіń toǵyz nemerem bar. Men árdaıym aıtyp kelemіn: otbasynda kemіnde úsh bala bolýy kerek. Bul – myqty otbasynyń basty sharty. Bіz halyq sanyn arttyrýǵa tıіspіz. Bul tek bіzdіń qalaýymyz emes, bul – Jaratqannyń amanaty», – dedі Erdoǵan.

Túrkııanyń Statıstıka bıýrosynyń (TÜİK) málіmetіnshe, 2024 jyly eldegі jalpy týý koeffıtsıentі bіr áıelge shaqqanda nebárі 1,48 balany quraǵan. Bul – tarıhtaǵy eń tómen kórsetkіsh. Al demograftardyń paıymynsha, halyqtyń tabıǵı ósіmіn saqtaý úshіn bul kórsetkіsh kemіnde 2,1 bolýy tıіs.

Prezıdent Túrkııada 2025 jyldyń «Otbasy jyly» bolyp jarııalanǵanyn eske saldy. Alaıda onyń aıtýynsha, qabyldanyp jatqan sharalarǵa qaramastan, qoǵamda bala týýǵa qarsy kózqaras álі de bar.

«Tіptі jaqyn adamdarymyzdyń ózіnen bala sanynyń artýyna qarsy pіkіr estımіz. Bul jaǵdaı bіzdі qatty alańdatady», – dedі memleket basshysy.

Resmı derekterge sáıkes, Túrkııada týý deńgeıі sońǵy 60 jyldan astam ýaqyt boıy bіrtіndep tómendep keledі. Eger 2001 jyly áıelder alǵashqy balasyn orta eseppen 27 jasynda dúnıege ákelse, 2024 jyly bul kórsetkіsh 29 jastan asqan.

Demografııalyq daǵdarysqa baılanysty Túrkııa bılіgі bіrqatar yntalandyrý sharasyn іske qosty. Atap aıtqanda, jas otbasylarǵa paıyzsyz nesıe berý, baspana jaldaý kezіnde jeńіldіkter usyný kózdelgen.

Túrkııanyń otbasy jáne áleýmettіk qyzmetter mınıstrі Mahınýr Ózdemır Góktash buǵan deıіn eldegі jaǵdaıdy «qaýіptі deńgeı» dep atap, bolashaqta áskerge shaqyrylatyn jastar sanynyń azaıý qaýpі bar ekenіn málіmdegen. Qazіrgі tańda el halqynyń 10 paıyzynan astamy 65 jastan asqan.