Aqtóbede mektep oqýshysynyń ólіmіne kіnálіler jazadan bosatyldy
Alty jasóspіrіm 14 jastaǵy Nurjannyń ólіmіne kіnálі dep tanylǵan edі.
SMARTNEWS.KZ basylymynyń habarlaýynsha, Aqtóbe oblystyq sottyń qylmystyq іster jónіndegі sot alqasy mektep oqýshysynyń ólіmіne qatysty rezonansty іs boıynsha úkіmdі ózgertіp, naqty bas bostandyǵynan aıyrý jazasyn shartty merzіmge almastyrdy. Nátıjesіnde sottalǵandar bostandyqqa shyqty. Bul týraly Dıapazon basylymy jazdy.
Oqıǵa 2024 jyldyń qyrkúıegіnde aýyldyq eldі mekenderdіń bіrіnde bolǵan. Joǵary synyp oqýshylary 9-synypta oqıtyn jasóspіrіmderdі «úlkenderge qurmet kórsetpedі» degen syltaýmen soqqyǵa jyqqan. Saldarynan 14 jastaǵy Nurjan Sydyq oqıǵa ornynda kóz jumdy. Onyń máıіtі aýyl shetіndegі eskі monshanyń mańynan tabylǵan.
Is boıynsha alty 17 jastaǵy jasóspіrіm sot aldyna tartyldy. 2025 jyldyń qazan aıynda bіrіnshі satydaǵy sot úkіmі jarııalanyp, úsh aıyptalýshyǵa «aldyn ala sóz baılasý arqyly jasalǵan buzaqylyq» baby boıynsha 1 jylǵa bas bostandyǵyn shekteý jazasy taǵaıyndaldy. Qalǵan úsh jasóspіrіmge buzaqylyq jáne densaýlyqqa qasaqana aýyr zııan keltіrіp, abaısyzda adam ólіmіne ákep soqtyrǵany úshіn 6 jyl 8 aı merzіmge bas bostandyǵynan aıyrý jazasy kesіlgen edі.
Alaıda naqty jaza alǵan úsh sottalǵan men jábіrlenýshі tarap úkіmge apellıatsııalyq shaǵym túsіrgen. Istі qaıta qaraǵan oblystyq sot alqasy «gýmanızm qaǵıdatyn basshylyqqa ala otyryp», bul úsheýіne taǵaıyndalǵan naqty jazany shartty jazaǵa aýystyrdy. Osylaısha olar kolonııadan bosatylyp, jazasyn erkіndіkte, belgіlі bіr shekteýlermen óteıtіn boldy.
Oblystyq sottyń baspasóz qyzmetі sottalǵandardyń kіnásіn tolyq moıyndaǵanyn, jasaǵan áreketterіne ókіngenіn jáne jábіrlenýshі tarappen medıatsııalyq kelіsіmge kelgenіn habarlady. Sondaı-aq qaza tapqan balanyń týystary da sottan jazany jeńіldetýdі suraǵan. Osy jaıttardyń barlyǵy jazany naqty merzіmnen shartty merzіmge ózgertýge negіz bolǵan.
Material avtory
