RUS
Búgіn Senatta áskerı qyzmetshіlerdіń densaýlyǵyn talqylaý kezіnde depýtat Sergeı Ershov áskerden jaltarǵandar týraly surady.
«Buqaralyq aqparat quraldarynda áskerge barmaý úshіn Soltústіk Qazaqstannan Reseıge qashyp barǵandar týraly málіmet tarady. Máselen, qazіrgі kezde kórshі memlekettіń aýmaǵynda kóktemgі áskerge shaqyrylatyn 250-ge jýyq azamat bar. Shynymen de jaǵdaı osylaı ma? Bul jіgіtterdіń taǵdyry ne bolady?» dep surady senator.
Óz kezegіnde Bas áskerı prokýrordyń bіrіnshі orynbasary Maqsat Qazıev osyndaı derekter bar ekenіn naqtylady.
«Rasynda da mundaı aqparat BAQ-ta jarııalanǵan. Prokýratýra organdary Qorǵanys mınıstrlіgіne tıіstі nusqaý berdі. 200 adamnyń 120-sy Reseı Federatsııasynda bіlіm alyp jatyr, ıaǵnı stýdent sanatyna jatady», - dedі S. Qazıev.
Osy oraıda ol Qorǵanys mınıstrlіgі bul baǵytta tıіstі іs-qımyldy pysyqtap jatqanyn aıtty.
«Eger olar shynymen kórshі elde oqýda júrgenі naqtylansa, onda bul jaǵdaı áskerge barý merzіmіn keıіnge shegerýge sebep bolady. Sondaı-aq, bul jіgіtterdіń arasynda oqýǵa túspegenderі anyqtalsa, Qazaqstan aýmaǵyna kelgen kezde olar mіndetіnen jaltarǵany úshіn aıyptalady», - dedі Bas áskerı prokýrordyń bіrіnshі orynbasary.