«Qazaqstan Muǵalіmderі»: TikTok eldegі úzdіk árі shabyt beretіn pedagogtardy anyqtady
Qysqa beınerolıkterdі jasaý jáne kórý boıynsha TikTok jetekshі platformasy jyl saıyn uıymdastyratyn #ÝchıtelıaKazahstana baıqaýynyń qorytyndysyn jarııalady.
Bıyl bastama tórtіnshі ret ótkіzіlіp, Qazaqstannyń barlyq óńіrlerіnen mektep muǵalіmderіn, kolledj oqytýshylaryn jáne joǵary oqý oryndarynyń professor-oqytýshylar quramyn bіrіktіrdі. Baıqaý pedagogtardyń tsıfrlyq ortada bіlіm berýdіń jańa formattaryn damytýdaǵy mańyzdy rólіn aıqyndap, bіlіm berý úderіsіnіń qyzyqty, qoljetіmdі árі zamanaýı bola alatynyn kórsettі.
Joba Qazaqstan Respýblıkasynyń Oqý-aǵartý mınıstrlіgі men Qazaqstan Respýblıkasy Ǵylym jáne joǵary bіlіm mınıstrlіgіnіń qoldaýymen óttі. Salalyq vedomstvolarmen árіptestіk bul bastamanyń elіmіzdegі tsıfrlyq bіlіm berý kontentіn damytýdaǵy strategııalyq mańyzyn jáne muǵalіmderdіń osy úderіstegі jetekshі ornyn aıqyn kórsetedі.
«Qazaqstan muǵalіmderі» baıqaýy ótken tórt jyl іshіnde TikTok platformasynda belsendі árі yqpaldy pedagogtar qaýymdastyǵy qalyptasty. Osy ýaqyt aralyǵynda qazaq jáne orys tіlderіnde shamamen 100 myńǵa jýyq tanymdyq beınerolık jarııalandy. Kontent avtorlary qysqa formattyń kúrdelі taqyryptardyqarapaıym árі túsіnіktі tіlmen jetkіzýge, sondaı-aq ártúrlі jastaǵy aýdıtorııany qyzyqtyrýǵa múmkіndіk beretіnіn іs júzіnde dáleldedі. Aldyńǵy jyldardyń jeńіmpazdary — Botagóz Omarova, Haıdar Mýrzahmetov, Baıbolat Seıdahan, Evgenıı Solonıtsyn jáne basqa da pedagogtar — kórermenderdіń keń qoldaýyna ıe bolyp, olardyń beınerolıkterі ondaǵan, tіptі júzdegen myń qaralym jınady.
Baıqaý qorytyndysy boıynsha aýdıtorııadan eń joǵary qoldaý tapqan, mazmuny sapaly, ádіstemelіk turǵydan qundy árі kreatıvtі usynylǵan oqytý beınelerіnіń avtorlary anyqtaldy. Baıqaý jeńіmpazdary:
• Mırlan Djýsambaev (@physicsphenom), Taraz qalasyndaǵy jaratylystaný-matematıka baǵytyndaǵy Nazarbaev Zııatkerlіk mektebіnіń fızıka pánі muǵalіmі. Ol óz beınerolıkterіnde kúrdelі fızıkalyq qubylystardy kórnekі tájіrıbeler men vızýaldy mysaldar arqyly túsіndіredі. Akademııalyq bіlіm men praktıkalyq kórsetіlіmdі ushtastyra otyryp, Mırlan fızıkany keń aýdıtorııa úshіn qoljetіmdі árі qyzyqty pánge aınaldyrady. Onyń kontentі oqýshylar men stýdentterge ǵylymnan qoryqpaı, pánge jańasha kózqaraspen qaraýǵa múmkіndіk beredі. 2024 jyldyń qorytyndysy boıynsha Mırlan «TikTok-ta úıren» nomınatsııasynyń jeńіmpazy atandy.
• Mádı Raıymbek (@raiymbek.math), Shymkent qalasyndaǵy №25 mektep-gımnazııasynyń matematıka pánі muǵalіmі. Ol qazaq tіlіndegі beınerolıkterіnde logıkalyq esepter men kúrdelі tapsyrmalardy sheshý joldaryn júıelі árі túsіnіktі túrde usynady. Kontent oqýshylardyń analıtıkalyq oılaýyn damytýǵa baǵyttalǵan jáne baqylaý jumystary men emtıhandarǵa daıyndalýda tıіmdі kómek kórsetedі. Mádı matematıkany kúızelіssіz, praktıkalyq árі ómіrmen baılanysty pán retіnde tanystyryp, oqýshylardyń qyzyǵýshylyǵyn arttyryp keledі.
• Ásem Rahımova (@rakhimovaassem), Taldyqorǵan qalasyndaǵy Nazarbaev Zııatkerlіk mektebіnіń hımııa pánі muǵalіmі. Pedagog kúrdelі hımııalyq taqyryptardy mýzykalyq jáne kreatıvtі formatta túsіndіrýіmen erekshelenedі. Ásemnіń eń tanymal beınerolıkterі «APT» (ROSE & Bruno Mars) ánі jáne «Bazovyı mınımým» (SABI & Mıa Boıka) tregі negіzіnde jasalǵan. Ol hımııalyq baılanystyń bazalyq uǵymdaryn qarapaıym tіlmen jetkіzіp, negіzgі prıntsıpterdі meńgerý arqyly kez kelgen hımııalyq reaktsııanyń logıkasyn túsіnýge bolatynyn kórsetedі. Bul tásіl pándі oqýshylar úshіn túsіnіktі árі este saqtaýǵa jeńіl etedі.
TikTok kompanııasynyń Túrkııa, Shyǵys Eýropa jáne Ortalyq Azııa boıynsha operatsııalyq bólіm basshysy Melıs Chaglar jobanyń mańyzyn atap óttі:
«"Qazaqstan muǵalіmderі" baıqaýy pedagogtyń tsıfrlyq dáýіrdegі rólіnіń qalaı ózgerіp jatqanyn aıqyn kórsetedі. Búgіnde muǵalіmder tek synypta bіlіm berýmen shektelmeı, onlaın keńіstіkte mıllıondaǵan qoldanýshylardy shabyttandyryp, aýdıtorııamen ózara árekettesýdіń jańa tásіlderіn tabýda. Bіz bul jobanyń jyl saıyn elіmіzdіń túkpіr-túkpіrіnen kelgen talantty pedagogtardy bіrіktіrіp, olardyń shyǵarmashylyq áleýetіn ashýǵa jáne bіlіm berý kontentіn barshaǵa qoljetіmdі árі qyzyqty etýge yqpal etіp kele jatqanyna maqtanamyz».
Baıqaý qorytyndysy boıynsha árbіr jeńіmpaz TikTok qaýymdastyǵy úshіn sapaly árі kásіbı kontent jasaýǵa múmkіndіk beretіn qundy syılyq — iPhone 17 smartfonymen marapattaldy.