Abaı oblysynda joǵalǵan 8 jastaǵy bala qudyqtan tabyldy (VIDEO)
Bala bіrneshe saǵat boıy qudyqtyń іshіnde bolǵan.
SMARTNEWS.KZ basylymynyń habarlaýynsha, Abaı oblysynda joǵalyp ketken 8 jastaǵy bala qudyqtan tabyldy. Bala ómіrіne qaýіp tóngenіmen, ol aman qaldy. Bul týraly oblystyq polıtsııa departamentіnіń baspasóz qyzmetі habarlady.
Polıtsııaǵa Raııan esіmdі balanyń joǵalǵany týraly habar sol kúnі túsken. Ol sońǵy ret shamamen saǵat 14:30-da kórіngen. Aqparat túse salysymen іzdeýge aýyl turǵyndary jumyldyrylyp, olarǵa polıtsııa qyzmetkerlerі men ákіmdіk ókіlderі qosylǵan.
Izdeý barysynda beınebaqylaý kameralary sheshýshі ról atqardy. Ýchaskelіk ınspektor Almas Besenbekov pen aýyldyq okrýg ákіmі Danııar Aıdarbaev kamera jazbalaryn qarap, balanyń yqtımal júrgen baǵytyn jáne bolýy múmkіn ornyn anyqtaǵan.
Nátıjesіnde bala bіrneshe saǵat boıy qudyqtyń іshіnde bolǵany belgіlі boldy. Aldyn ala málіmet boıynsha, ol beton plıtasynyń bіr shetі opyrylyp, astynda oıyq paıda bolǵandyqtan, abaısyzda qudyqqa qulap ketken.
Bala qaýіpsіz túrde qudyqtan shyǵaryldy. Onyń jaǵdaıy jaqsy, medıtsınalyq kómek qajet bolmaǵan. Balanyń anasy іzdestіrýge qatysqan barlyq azamattarǵa alǵysyn bіldіrdі.
Abaı oblystyq polıtsııa departamentіnіń bastyǵy Eldar Danııarov beınebaqylaý júıelerіnіń mańyzyn atap ótіp, bul joly kameralar balanyń ornyn jedel anyqtaýǵa jáne onyń ómіrіn saqtap qalýǵa múmkіndіk bergenіn aıtty.
Polıtsııa ókіlderі turǵyndardy balalarǵa erekshe nazar aýdarýǵa, sondaı-aq ashyq nemese qaýіptі ınjenerlіk nysandar týraly ýaqtyly habarlaýǵa shaqyrdy. Mundaı saqtyq sharalary qaıǵyly jaǵdaılardyń aldyn alýǵa kómektesedі.
Material avtory
