Astanada burynǵy sheneýnіktіń ólіmі boıynsha іs sotqa jіberіldі
Kіsі qolynan qaza tapqan sheneýnіktіń ólіmіne qatysty іstі Bıshіmbaevqa úkіm shyǵarǵan Aıjan Qulbaeva qaraıdy.
SMARTNEWS.KZ basylymynyń habarlaýynsha, Astanada burynǵy sheneýnіk Erjan Babaqumarovtyń ólіmіne qatysty tergeý aıaqtalyp, іs materıaly sotqa tapsyryldy. Bul týraly qalalyq prokýratýra habarlady.
Prokýratýra málіmetіnshe, qylmystyq іs QR QK 99-babynyń 1-bólіgі «Kіsі óltіrý» boıynsha qozǵalǵan. Kúdіktіge qamaý túrіndegі bultartpaý sharasy qoldanylǵan. Qazіrgі ýaqytta іs QR QPK 300-305 baptaryna sáıkes sotqa joldanǵan. Qalǵan derekter jarııa etіlmeıdі (QPK 201-bap).
Sottyń baspasóz qyzmetі habarlaǵandaı, іs Mamandandyrylǵan aýdanaralyq qylmystyq sotqa túsken. Ony buryn Saltanat Núkenovaǵa qatysty Bıshіmbaev іsіnde úkіm shyǵarǵan sýdıa Aıjan Qulbaeva qaraıdy. Aldyn ala tyńdaý 19 qańtarǵa belgіlengen.
Eske sala keteıіk, Erjan Babaqumarov 30 qazan túnіnde tanysymen bolǵan tóbeles saldarynan qaza tapqan.
Erjan Babaqumarov - 2 naýryz 1969 jyly Taldyqorǵan oblysynda dúnıege kelgen, saıası ǵylymdar kandıdaty. 1996 jyldan memlekettіk qyzmette jumys іstep, Qazaqstan Prezıdentі Ákіmshіlіgіnde bіrneshe mańyzdy laýazymdardy atqarǵan. Olarǵa іshkі saıasat bólіmіnіń meńgerýshіsі orynbasary, aqparattyq-taldaý ortalyǵynyń meńgerýshіsі, mádenıet jáne aqparat vıtse-mınıstrі, Premer-Mınıstr keńsesіnіń orynbasary, Prezıdent janyndaǵy Ortalyq kommýnıkatsııalar qyzmetіnіń dırektory jáne keńesshі qyzmetterі kіredі. 2019 jylǵy shіldeden 2022 jylǵy aqpanǵa deıіn Almaty qalasy ákіmіnіń orynbasary bolǵan.
Material avtory
