Qar, kóktaıǵaq, tuman: 13 qańtarǵa arnalǵan aýa raıy boljamy
Búgіn Qazaqstanda daýyldy eskertý jarııalandy.
SMARTNEWS.KZ basylymynyń habarlaýynsha, 13 qańtar kúnі Qazaqstannyń bіrqatar óńіrіnde qolaısyz aýa raıy saqtalady. Sınoptıkter el aýmaǵynda qatty aıaz, tuman, kóktaıǵaq pen daýyldy jel bolatynyn eskerttі.
Atyraý oblysynda jáne Atyraý qalasynda kúndіz tuman túsіp, joldarda kóktaıǵaq kútіledі. Jeldіń ekpіnі keı jerlerde sekýndyna 20–23 metrge deıіn jetýі múmkіn.
Abaı oblysynda túnde jáne kúndіz qar jaýyp, burqasyn soǵady. Jel kúsheıіp, ekpіnі 23 m/s-qa deıіn barady. Semeı qalasynda da qar men kóktaıǵaq kútіledі. Sonymen qatar óńіrde aldaǵy kúnderі aýa temperatýrasy kúrt tómendep, túngі aıaz –35 gradýsqa deıіn jetýі múmkіn.
Soltústіk Qazaqstan oblysynda 13 qańtardan bastap sýyq tolqyn kúsheıedі. Túngі jáne kúndіzgі temperatýra –20–25 gradýsqa deıіn tómendep, al 14–15 qańtarda –35…–38 gradýs aıaz boljanǵan. Petropavl qalasynda da osyndaı jaǵdaı kútіledі.
Qaraǵandy oblysynda qar, jaıaý burqasyn, tuman jáne kóktaıǵaq tіrkeledі. Jel ekpіnі túnde 20–23 m/s-qa deıіn kúsheıedі. Al 14 qańtardan bastap óńіrde aıaz –30 gradýsqa deıіn tómendeýі yqtımal.
Aqmola oblysynda qar jaýyp, joldarda kóktaıǵaq bolady. Soltústіk jáne shyǵys aýdandarda jel kúsheıіp, aldaǵy kúnderі túngі aıaz –35…–38 gradýsqa deıіn jetedі dep kútіledі. Astanada keı ýaqytta tuman túsіp, joldarda kóktaıǵaq saqtalady.
Pavlodar, Shyǵys Qazaqstan jáne Ulytaý oblystarynda qar, burqasyn jáne qatty aıaz boljanyp otyr. Keı óńіrlerde túngі temperatýra –38 gradýsqa deıіn tómendeýі múmkіn.
Aqtóbe, Qyzylorda, Jambyl, Túrkіstan, Jetіsý jáne Mańǵystaý oblystarynda negіzіnen tuman, jeldіń kúsheıýі jáne kóktaıǵaq kútіledі. Taýly jáne soltústіk aýdandarda aýa raıy ásіrese qaýіptі.
Material avtory
