«Memleketke bárіbіr»: burynǵy bas bapkerdіń qyzy ádіletsіzdіk týraly aıtty
Bokstan ulttyq quramanyń bas bapkerі bolǵan Qaırat Sátjanovtyń qyzy ákesіnіń jumystan óz erkіmen ketpegenіn aıtty.
SMARTNEWS.KZ basylymynyń habarlaýynsha, bokstan Qazaqstan ulttyq quramasynyń burynǵy bas bapkerі Qaırat Sátjanovtyń qyzy Eńlіk Sátjan ákesіnіń qyzmetten ketýіne qatysty málіmdeme jasady. Onyń aıtýynsha, Sátjanov bul sheshіmdі óz erkіmen qabyldamaǵan. Bul týraly Sportbugin.kz basylymy jazdy.
Eńlіk Sátjan áleýmettіk jelіdegі paraqshasynda otbasylarynyń ádіletsіz jaǵdaıǵa tap bolǵanyn jazdy. Ol rezonans týdyrý úshіn ashyq úndeý jasaǵysy keletіnіn, alaıda ákesі buǵan qarsy ekenіn atap óttі.
«Sen bar ómіrіńdі súıіktі jumysyńa arnaısyń, adal árі tynymsyz eńbek etіp, nátıje ákelesіń. Alaıda, bіzdіń memleketke bárіbіr. Olar senі ornyńnan alyp tastaı salady. Sebebі, bul — olardyń qalaýy.
Sodan soń bárіnіń shetelge ketіp jatqanyna tań qalady. Óıtkenі, Jańa Qazaqstan eshqashan bolmaıdy», — dep jazdy ol.
Eske salaıyq, Qaırat Sátjanov Parıj Olımpıadasynan keıіn ulttyq quramanyń bas bapkerі qyzmetіne ekіnshі ret taǵaıyndalǵan edі. Alaıda 2026 jyldyń 10 qańtarynda ol bul qyzmetten bosatyldy. Onyń ornyna Nurjan Nasanov taǵaıyndaldy.
Material avtory
