Taılandta Qazaqstan azamattary mіngen kater sýǵa batyp kettі (VIDEO)
Phýket jaǵalaýynda týrıster mіngen kater traýlermen soqtyǵysty.
SMARTNEWS.KZ basylymynyń habarlaýynsha, Taılandta Phýket araly mańynda qazaqstandyq týrıster mіngen Korawich Marine 888 katerі balyq aýlaıtyn traýlermen soqtyǵysyp, sýǵa batyp kettі.
TASS deregіnshe, kater bortynda 55 adam bolǵan, onyń 52-sі – týrıst. Zardap shekkenderdіń arasynda segіz Qazaqstan azamaty bar. Úsheýі aýrýhanaǵa jetkіzіldі, dárіgerler olardyń jaǵdaıyn turaqty dep baǵalap otyr. Qalǵan jolaýshylarǵa medıtsınalyq kómek oqıǵa ornynda kórsetіlgen.
Qazaqstan Syrtqy іster mınıstrlіgіnіń málіmetіnshe, barlyq shyǵyndy saqtandyrý kompanııasy óteıdі. Konsýl zardap shekken azamattarmen baılanysta bolyp, qajettі kómektі uıymdastyryp jatyr.
Taıland týrıstіk polıtsııasynyń deregіne sáıkes, katerde Qazaqstan azamattarynan bólek Reseı, Ózbekstan, Qyrǵyzstan, Polsha jáne Ulybrıtanııa týrısterі bolǵan. Atap aıtqanda, 33 reseılіk, tórt ózbekstandyq jáne ekі qyrǵyzstandyq jolaýshy tіrkelgen.
Qazіr apattyń naqty sebepterі anyqtalyp jatyr. Taıland bılіgі oqıǵaǵa qatysty tekserý júrgіzýde.
Material avtory
