Solovevtіń efırdegі sózіnen keıіn Armenııa Reseıge narazylyq notasyn jіberdі (VIDEO)
Reseılіk telejúrgіzýshі efırde Armenııaǵa qarsy óshpendіlіk sıpattaǵy sózder aıtqan.
SMARTNEWS.KZ basylymynyń habarlaýynsha, Armenııanyń Syrtqy іster mınıstrlіgі Reseı Federatsııasynyń elshіsі Sergeı Kopyrkınge reseılіk telejúrgіzýshі Vladımır Solovevtіń málіmdemelerіne baılanysty resmı narazylyq notasy tapsyrylǵanyn málіmdedі. Bul týraly News.am jazdy.
Vedomstvonyń baspasóz hatshysy Anı Badalıannyń aıtýynsha, Reseı elshіsі Armenııa SIM-іne arnaıy shaqyrylyp, oǵan Solovevtіń memlekettіk telearnadaǵy efırde aıtqan sózderіne baılanysty «tereń alańdaýshylyq pen narazylyq» bіldіrіlgen nota tabystalǵan.
«Reseıdіń Armenııadaǵy elshіsіne memlekettіk telearnanyń efırіnde aıtylǵan málіmdemelerge baılanysty narazylyq notasy tapsyryldy. Bul sózder Armenııa Respýblıkasynyń egemendіgіne qol suǵý bolyp tabylady, dushpandyq sıpatqa ıe jáne Armenııa men Reseı arasyndaǵy dostyq qatynastardyń negіzgі qaǵıdattaryn óreskel buzady», – dedі Anı Badalıan.
RBK málіmetіnshe, 10 qańtar kúnі «SolovevLife» baǵdarlamasynda Vladımır Solovev Armenııa men Ortalyq Azııanyń Reseı úshіn «joǵalýy – asa іrі problema» ekenіn aıtqan.
«Bіz úshіn Armenııada bolyp jatqan jaǵdaı Venesýeladaǵy oqıǵalarǵa qaraǵanda áldeqaıda aýyr. Eger ulttyq qaýіpsіzdіgіmіz úshіn Ýkraına aýmaǵynda arnaıy áskerı operatsııa bastaý qajet boldy dep eseptesek, dál osy logıkamen yqpal aımaǵymyzdyń ózge núktelerіnde de áskerı áreketterdі nege bastamasqa?» – degen edі telejúrgіzýshі.
Armenııa tarapy bul málіmdemelerdі eldіń egemendіgіne tóngen tіkeleı qater jáne memleketaralyq qatynastarǵa nuqsan keltіretіn sózder retіnde baǵalady.
Material avtory
